Við búum yfir 23 ára reynsla í húðmeðferðum.

20% Páskatilboð

Vekjum upp þreyttu vetrarhúðina með hinu fullkomna páskatilboði!

Nýta tilboð
• Grynnkar hrukkur og línur
• Gerir ysta lag húðarinnar fallegra
• Eykur kollagenframleiðslu

Laser Peeling

Svæði: Andlitið

Endurnýjar ysta lag húðar | Gefur húðinni jafnara og bjartara yfirbragð | Viðheldur þéttri og stinnri húð| Mildar hrukkur og fínar línur

Fylling í varir og hrukkur

Nýttu tækifærið - 20% afsláttur af Gelísprautun

Nýta tilboð
• Bætir ásýnd ysta lags húðar
• Grynnkar hrukkur og línur
• Örvar kollagenframleiðslu

Hvað er Laser Peeling?

Laser Peeling er lasermeðferð framkvæmd með svokallaðri pixel tækni sem skiptir lasergeislanum upp í marga minni geisla sem skella á húðinni í punktaformi. Líkt og nafnið gefur til kynna veitir meðferðin ysta lagi húðar öflugt „peeling“ sem gerir það að verkum að viðgerðar- og endurnýjunarferli fer af stað. Þar sem lasergeislarnir vinna djúpt niður í undirlag húðarinnar örvast einnig framleiðsla kollagens, elastíns og annarra uppbyggingarpróteina húðarinnar. Heilbrigða húðin í kringum laserpunktana gerir það að verkum að húðin er fljótari að jafna sig eftir meðferðina, auk þess að skila sér í hraðari kollagenmyndun.

Um er að ræða örugga og áhrifaríka meðferð sem hentar öllum aldurshópum og flestum húðgerðum (I-V).

Tilgangur Laser Peeling

Þar sem Laser Peeling er að vinna bæði á ysta lagi og undirlagi húðar skilar hún mjög alhliða árangri og hentar vel þeim sem vilja endurnýja húðina og auka heilbrigði hennar. Hún er jafnframt sérlega áhrifarík meðferð fyrir þá sem vilja skarta fallegri húð án farða.

Meðferðin jafnar m.a. húðtón og áferð húðar, þéttir og stinnir húð, eykur teygjanleika og rakastig og dregur úr hrukkum og fínum línum.

Jafnaðu áferð og húðtón

Laser Peeling er öflugasta meðferð Húðfegrunar til að bæta ásýnd ysta lags húðarinnar. Hún gerir áferð húðarinnar jafnari og sléttari með því að milda bóluör og húðslit, draga úr ásýnd grófra svitahola og auka rakastig húðar. Hún vinnur einnig mjög vel á ójöfnum húðtón og litabreytingum og gefur húðinni unglegra og bjartara yfirbragð.

Almennt má sjá árangur á áferð húðar, húðtón og litabreytingum um leið og húð hefur jafnað sig, eða 3-7 dögum eftir meðferð.

Dragðu úr og spornaðu gegn öldrun húðar

Ásamt því að skila frábærum árangri á yfirborði húðar er Laser Peeling einnig að vinna dýpra niður í undirlag húðarinnar og örva þar framleiðslu kollagens og elastíns. Með aldrinum

hægir á framleiðslu þessara uppbyggingarpróteina og í kjölfarið fer húðin hægt og rólega að slappast, missa lyftingu og fyllingu og hrukkur og fínar línur fara að myndast. Með því að örva og viðhalda framleiðslunni má fyrirbyggja og vinna til baka slappa húð, hrukkur og fínar línur. Með því að milda sólarskemmdir og öldrunarbletti á ysta laginu fær húðin einnig unglegra og bjartara yfirbragð.

Myndun nýs kollagens og elastíns heldur áfram í 4-6 mánuði eftir meðferð og er húð því að þéttast og stinnast og hrukkur og fínar línur að mildast hægt og rólega í allt að hálft ár eftir meðferð.

Almennar upplýsingar til að hafa í huga fyrir og eftir Laser Peeling

Fjöldi meðferða: Mælt er með að taka 4 skipti í Laser Peeling til að ná hámarksárangri en í flestum tilfellum sést þó munur strax eftir stakt skipti. Framkvæma má meðferð með 4 vikna millibili.

Árangur af meðferðinni má merkja í u.þ.b. 3 ár, jafnvel lengur hjá þeim sem ástunda heilbrigðan lífstíl. Mælt er með því að koma árlega í Laser Peeling til að viðhalda árangri af meðferð.

Eftir meðferð: Í kjölfar meðferðar myndast roði og bólga sem geta varað frá 2-3 dögum og upp í viku (fer eftir styrkleika meðferðar og húðgerð). Í sumum tilfellum geta myndast sár og hrúður á húð. Mikilvægt er að leyfa hrúðri að gróa að fullu til að ná hámarksárangri meðferðar. Fyrstu vikuna eftir meðferð er nauðsynlegt að gefa húðinni góðan raka.

Mælt er með því að bera græðandi rakakrem eða serum á meðferðarsvæðið tvisvar á dag í a.m.k. viku og mælum við með Phyto Corrective Gel frá SkinCeuticals. Mikilvægt er að nota sterka sólarvörn (að lágmarki SPF 30) og forðast sól eins og hægt er í a.m.k. viku eftir meðferð. Gott er að sleppa líkamsrækt og sundi í 1-7 daga eftir meðferð.

Laser Peeling hentar vel samhliða öðrum húðmeðferðum

Til að ná fram enn betri og heildstæðari árangri er hægt að framkvæma Laser Peeling samhliða öðrum húðmeðferðum. Leita má ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best og ákvarða hversu langur tími skuli líða á milli meðferða.

Árangur

Laser Peeling húðfegrun
Laser Peeling Gerir ysta lag húðarinnar fallegra
Kaupa meðferð
Einnig er hægt að bóka
tíma í síma
533-1320

Skráðu þig á póstlistann okkar og fáðu
10% afsláttarkóða

Það eina sem þú þarft að gera er að skrá nafnið þitt og tölvupóstfang hér að neðan.

Thank you! Your submission has been received!
Oops! Something went wrong while submitting the form.

Með því að skrá þig ertu samþykk/ur því að fá tölvupóstsendingar frá okkur annað slagið. 

Það er auðvelt að afskrá sig af þeim lista.

Hringdu í okkur í síma 5331320

Bóka tíma