Lasermeðferð á vörtum og húðsepum er framkvæmd með nýjustu lasertækni sem býðst á markaðnum. Meðferðin er framkvæmd með þeim hætti að lasergeislanum er beint á vörtuna/kringum húðsepann og vartan/húðsepinn þar með brennd í burtu.

Fjöldi meðferða: Áætla má að framkvæma þurfi meðferð á vörtum í 2-4 skipti, fer eftir stærð og staðsetningu vörtu á líkamanum. Gera má ráð fyrir að framkvæma þurfi meðferð á húðsepum í a.m.k. 2 skipti til að ná góðum árangri, fer eftir stærð. Mánuður þarf að líða á milli meðferða.

Gæta skal fyllsta hreinlætis til að koma í veg fyrir sýkingu

Eftir að meðferð er framkvæmd geta myndast roði og bólga sem geta varað frá 1-3 dögum og allt upp í viku, fer eftir meðferðarsvæði. Í sumum tilvikum geta myndast hrúður, blöðrur og sár á húð eftir meðferð, sem eru eðlileg viðbrögð húðarinnar við meðferðinni, en mikilvægt er að láta hrúður gróa að fullu til að ná hámarksárangri meðferðar. Mælt er með því að bera græðandi krem á meðferðarsvæðið að meðferð lokinni og gæta fyllsta hreinlætis svo ekki sé hætta á sýkingu.

Eftir meðferð þarf að:

  • Bera græðandi krem á svæðið tvisvar á dag í eina viku.
  • Forðast sól og ljósabekki í a.m.k. viku.
  • Sleppa sundi í 1-7 daga, breytilegt eftir meðferðarformi.
  • Nota a.m.k. SPF 30 sólarvörn í allavega eina viku.
Einnig er hægt að bóka tíma í síma
533-1320