Hvað er Ávaxtasýrumeðferð?

Ávaxtasýrumeðferð er áhrifarík og öflug meðferð til þess að örva og viðhalda heilbrigði húðar. Meðferðin losar um dauðar húðfrumur á ysta lagi húðar og örvar endurnýjunarferli hennar. Ávaxtasýran brýtur niður óhreinindi í svitaholum, kemur jafnvægi á olíuframleiðslu húðar, hefur bakteríudrepandi áhrif, dregur úr ásýnd bóla og grófra svitahola ásamt því að hafa róandi og bólgueyðandi áhrif á húðina svo hentar því meðferðin einnig vel þeim sem eru með viðvæma, rósroða eða bóluhúð. Meðferðin vinnur gegn öldrun húðar, þéttir hana, styrkir, mildar fínar línur og vinnur vel á litabreytingum. Strax eftir meðferð fær húðin bjartara og frísklegra yfirbragð.

Húðfegrun notar öfluga, hreina sýru frá SkinCeuticals sem er sérstaklega hönnuð til þess auka heilbrigði húðar og að hægt sé að aðlaga meðferðina að öllum húðgerðum og húðvandamálum. Kostir þess að nota hreina sýru er aukin virkni, hún vinnur dýpra í undirlag húðar, litlar sem engar líkur á óþoli gegn henni og er hún með lágt pH gildi og skilar hún því hámarksárangri. 

Tvenns konar ávaxtasýrur eru í boði hjá Húðfegrun en það eru Micropeel 30% og Pigment Balancing Peel 40%. Báðar sýrurnar eru öflugar og vinna á ysta lagi húðar en búa þær yfir mismunandi kostum og er því gott að fá meðferðferðaraðila til þess að meta hvor sýran henti en fer það eftir húðtýpu og markmiði með meðferð.

Micropeel 30%

Micropeel 30% ávaxtasýran ávaxtasýran er öflug sýra sem vinna vel á ysta lagi húðar. Hún hentar sérstaklega vel þeim sem glíma við ótímabær merki öldrunar, litabreytingar og aðra kvilla í húð af völdum sólar og þeim sem eru að glíma við þurra og viðkvæma húð þar sem meðferðindregur úr roða, bólgu, kláða og pirring í húð. Meðferðin vinnur á hrukkum og fínum línum, þéttir húðina, gefur henni bjartara yfirbragð og eru kostir sýrunar að hún hentar öllum aldri og húðtegundum.

Pigment Balancing Peel 40%

Pigment Balancing Peel 40% ávaxtasýran er örlítið sterkari en Micropeel 30% sýran. Sýran er blönduð með Pigment Balancing Powder sem inniheldur C-Vítamín og emblica extract. Hún hentar því sérstaklega vel þeim sem glíma við miklar litabreytingar í húð sem eru tilkomnar vegna sólarskemmda, hormónaójafnvægis og þá sem eru með rauða bólguflekki í húð.

Hægt er að aðlaga meðferðina að þeim sem eru með virkar bólur (e.acne) með því að blanda Sanitizing Booster við sýrurnar og hentar meðferðin því einstaklega vel fyrir þá sem eru með mikla olíuframleiðslu og  bóluhúð. Það má því segja að helstu kostir sýrunar er að hún vinnur vel á litabreytingum, ójafnvægi í olíuframleiðslu húðar, bóluhúð, og veitir húðinni fallegan ljóma. 

Mælt er með að ráðfæra sig við meðferðaraðila áður en meðferð er bókuð sértu á bólulyfjum.

Almennar upplýsingar til að hafa í huga fyrir og eftir Ávaxtasýrumeðferð

Fjöldi meðferða: Stök meðferð frískar upp á húðina og örvar starfsemi hennar en til að ná sem bestum árangri er mælt með því að teknar séu 4-6 meðferðir með 10-14 daga millibili, fer eftir styrk meðferðar og húðgerð en með hverri meðferð næst betri og betri árangur.

Eftir meðferð: Eftir meðferð getur borið á roða og jafnvel bólgu í húð sem getur varað frá 2-3 dögum og allt upp í viku, fer eftir styrk meðferðar og húðgerð. Í sumum tilfellum getur komið þurrkur og húðin flagnað, en eru það eðlileg viðbrögð húðarinnar við meðferðinni.

Mælt er með því að bera græðandi rakakrem á meðferðarsvæðið tvisvar á dag í a.m.k. viku. Eftir meðferð verður húðin viðkvæmari fyrir sól og er því mikilvægt að nota sterka sólarvörn (a.m.k. SPF 30) og forðast sól eins og hægt er fyrstu vikuna eftir meðferð. Gott er að sleppa líkamsrækt og sundi í 1-7 daga eftir meðferð, fer eftir styrk meðferðar og húðgerð.

Ávaxtasýrumeðferð hentar vel samhliða öðrum húðmeðferðum

Til að ná fram enn betri og heildstæðari árangri er hægt að framkvæma Ávaxtasýrumeðferð samhliða öðrum húðmeðferðum. Leita má ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best og ákvarða hversu langur tími skuli líða á milli meðferða. Dæmi um meðferðir sem henta vel samhliða Ávaxtasýrumeðferð eru t.d. Húðslípun og Lúxus Húðslípun.