Augnlyfting án skurðaðgerðar

Augnlyfting er áhrifarík meðferð sem lyftir augnlokum án skurðaðgerðar, þéttir húð á augnsvæðinu og dregur úr hrukkum og fínum línum. Með radiofrequency plasma tækni frá Alma Lasers örvum við náttúrulega framleiðslu kollagens og elastíns fyrir sýnilega þéttari húð.

Augnsvæði

Kaupa meðferð

Bóka tíma núna

Við erum opin núna (9-17)

Hjúkrunarfræðingur Diana hjá Húðfegrun veitir faglega ráðgjöf fyrir meðferð við augnsvæði. Hlýlegt og sérhæft klínískt umhverfi í Reykjavík þar sem nýjustu meðferðartækni er beitt. Bókaðu ráðgjöf eða meðferð beint hjá sérfræðingum okkar.

Hvernig virkar Augnlyfting?

Augnlyfting er húðmeðferð sem var þróuð til að lyfta signum augnlokum án skurðaðgerðar. Meðferðin þéttir einnig húð á augnsvæðinu, vinnur gegn fínum línum og hrukkum og hjálpar til við að endurheimta ferskara og opnara yfirbragð augnanna.

Radiofrequency plasma tækni frá Alma Lasers er notuð við framkvæmd meðferðar. Þessi tvíþætta tækni miðar að því örva kollagen- og elastínframleiðslu á svæðinu með náttúrulegum hætti. Microplasma neistar sem skadda ysta lag húðar (e. ablative effect), án þess að valda varanlegum skaða eða öramyndun, í þeim tilgangi að koma viðgerðarferli húðarinnar af stað og örva þannig endurnýjun hennar. Á sama tíma og unnið er á ysta lagi húðar er radiofrequency tækni notuð til að beina hita beint niður í undirlag húðarinnar (e. thermal effect) og örvar þannig kollagen og elastínþræði, í kjölfarið styrkist bandvefur húðarinnar. Með hjálp þessarar tvíþættu tækni þéttist húðin smám saman og augnlok lyftast.

Meðferðin hentar öllum húðgerðum og aldurshópum.

Hvaða árangri má búast við eftir Augnlyftingu?

Með hækkandi aldri hægir á framleiðslu kollagens og elastíns sem gerir það m.a að verkum að augnlok byrja að síga, húð á augnsvæðinu fer að slappast og augnpokar byrja að myndast. Húðin á augnsvæðinu er þunn og viðkvæm og er því algengt að fyrstu hrukkurnar komi þar í kring.

Hægt er að framkvæma Augnlyftingu einungis á efra augnsvæði sé markmið með meðferð að lyfta signum augnlokum eða einungis á neðra augnsvæði sé markmið með meðferð að þétta slappa húð, milda fínar línur og birta uppá augnsvæðið en með því að taka bæði efra og neðra augnsvæði næst góður alhliða árangur.

Meðferðina má framkvæma sem forvörn fyrir þá sem finna fyrir að húð á augnlokum sé að byrja þyngjast og viðhalda þannig þéttari húð og koma í veg fyrir augnlokaaðgerð á síðari stigum.

Hjúkrunarfræðingur undirbýr Alma Accent Prime tæki fyrir Augnlyftingu og aðrar húðmeðferðir hjá Húðfegrun.

Augnlyfting framkvæmd með Alma Accent Prime hjá Húðfegrun í Reykjavík til að þétta húð og lyfta augnlokum án skurðaðgerðar.

Helstu kostir Augnlyftingar

Lyftir augnlokum með náttúrulegum hætti
Vinnur á hrukkum og fínum línum á augnsvæði
Þéttir húð á augnsvæði
Birtir uppá augnsvæði
Mildar hrukkur og fínar línur
Vinnur á pokum undir augum

Árangur og meðferðaráætlun

Árangur: Árangur meðferðar á ysta lag húðar kemur yfirleitt fljótt í ljós eftir að húðin hefur jafnað sig. Áhrif á dýpri lög húðarinnar þróast smám saman og getur tekið allt að þrjá mánuði að sjá endanlegan árangur.

Fjöldi meðferða: Fjöldi meðferða fer eftir markmiði meðferðar og ástandi húðar. Ef augnlok eru farin að síga er yfirleitt mælt með 2–4 meðferðum til að ná sem bestum árangri. Ef húð er aðeins farin að slappast eða fínar línur að myndast geta 1–2 meðferðir verið nægjanlegar, en við meiri slappleika eða dýpri hrukkur getur þurft 3–4 meðferðir. Meðferðir eru framkvæmdar með 6–8 vikna millibili, eftir því hversu djúpt unnið er í undirlagi húðarinnar.

Hjúkrunarfræðingur hjá Húðfegrun í Reykjavík sérhæfir sig í faglegum húðmeðferðum og ráðgjöf.

Móttaka Húðfegrunar í Reykjavík þar sem boðið er upp á faglegar húðmeðferðir og persónulega ráðgjöf.

Fyrir og eftir Augnlyftingu

Fyrir meðferð: Mælt er með að bera EMLA deyfikrem á meðferðarsvæðið um 45 mínútum fyrir meðferð til að draga úr óþægindum meðan á meðferð stendur.

Eftir meðferð: Roði og bólga geta komið fram og varað frá nokkrum klukkustundum upp í 2–3 daga. Dökkir blettir og hrúður sjást yfirleitt í 5–10 daga. Mikilvægt er að láta hrúðrið detta af sjálfkrafa til að lágmarka hættu á öramyndun.

Forðast skal að bleyta meðferðarsvæðið fyrstu tvo dagana og gæta vel að hreinlæti. Berið græðandi krem eða serum á svæðið tvisvar á dag í að minnsta kosti eina viku eftir meðferð. Við mælum meðal annars með Phyto Corrective Gel frá SkinCeuticals og Epidermal Repair, sem styðja við gróanda og endurnýjun húðarinnar.

Forðist sól eins og kostur er fyrstu vikuna eftir meðferð og notið sólarvörn með háum varnarstuðli. Einnig er mælt með að sleppa líkamsrækt samdægurs og forðast sund í að minnsta kosti eina viku.

EMLA leiðbeiningar:

Berið EMLA deyfikrem á hreina og þurra húð 45-60 mínútum fyrir meðferð. Bera skal kremið á meðferðarsvæði en ekki nudda því inn í húð. Gott er að bæta smá deyfikremi á meðferðarsvæði á 15 mín fresti fram að meðferð.

Deyfing endist almennt í um 2 klst eftir að krem hefur verið fjarlægt af líkama en í styttri tíma eftir að krem hefur verið fjarlægt af andliti.

Ef EMLA berst fyrir slysni í auga skal skola það strax vel með volgu vatni og hlífa auganu þar til deyfingin fer úr.

Hjúkrunarfræðingar hjá Húðfegrun í Reykjavík ræða saman á milli meðferða í hlýlegu og faglegu umhverfi.

Algengar spurningar

Hver er munurinn á Augnlyftingu og Laserlyftingu á augnsvæði?

Augnlyfting er okkar öflugasta meðferð til að vinna á signum augnlokum og hrukkum á augnsvæði en Laserlyfting er okkar besta meðferð til að vinna á baugum, vökvasöfnun, þrota og þreytu á augnsvæði. Báðar meðferðirnar eru þó að vinna á öllu ofangreindu, þ.e. Augnlyfting er einnig að vinna á baugum, vökvasöfnun, þrota og þreytu og Laserlyfting er einnig að vinna á signumaugnlokum og hrukkum.
Laserlyfting er algjörlega sársaukalaus og engir áverkar sjást á húðinni eftirmeðferð en þurfi almennt fleiri meðferðir og árangur lengur að koma í ljós. Augnlyfting er hins vegar nokkuð sársaukafull og mælum við því með því að deyfikrem sé borið á augnsvæði um 45 mínútum fyrir meðferð. Algengt er að áverkar sjáist á húðinni í nokkra daga á eftir (roði, bólga og dökkir blettir) en þurfi færri meðferðir og er árangurin yfirleitt að koma fram á styttri tíma heldur en þegar um Laserlyftingu er að ræða.

Hversu lengi endast áhrifin af Augnlyftingu?

Áhrifin af meðferðinni endast að meðaltali í 3-4 ár áður en öldrunarferlið fer aftur af stað, þ.e. húðin byrjar að slappast á ný oghrukkur að myndast. Við ráðleggjum viðskiptavinum gjarnan að koma ca. einusinni á ári til að halda árangrinum við.