Lasermeðferð við háræðaslitum og rósroða dregur úr sýnilegum æðum, minnkar roða og jafnar húðlit með háþróaðri IPL- og lasertækni frá Alma Lasers. Meðferðin hentar þeim sem glíma við rósroða, rauða bletti eða háræðaslit í andliti og á fótleggjum og veitir náttúrulegri og jafnari ásýnd húðarinnar.
Andlit - Fótleggir
Rósroði (rosacea) er langvinnur húðsjúkdómur sem veldur viðvarandi roða, sýnilegum háræðum og stundum bólum í andliti. Háræðaslit eru útvíkkaðar háræðar sem geta myndast bæði í andliti og á fótleggjum. Hjá Húðfegrun notum við IPL- og lasertækni frá Alma Lasers til að draga úr roða, loka sýnilegum háræðum og jafna húðlit á öruggan og áhrifaríkan hátt.
Fyrstu einkenni rósroða eru roði í andliti sem kemur fram á höku, kinnum, nefi eða enni enn til þess að byrja með kemur hann og fer. Ef ekkert er að gert til þess að halda rósroðanum í skefjum getur hann orðið varanlegri og einkenni orðið meiri þannig að háræðar geta orðið sýnilegri, rauðir blettir og bólur gera vart við sig, nef orðið rautt og bólgið sem og augun vökvakennd og blóðhlaupin.
Háræðaslit eru útvíkkaðar háræðar í húðinni og birtast þær gjarnan um og upp úr miðjum aldri, sérstaklega í andliti og á fótleggjum. Orsakir háræðaslita geta verið ýmsar enn má þar nefna t.d aldur, erfðaþættir, offita, hormónabreytingar tengdar meðgöngu, kynþroska eða tíðahvörfum, notkun pillunar, saga um blóðtappa eða þrýstingur á kviðarhol. Háræðaslit eru einnig algengari hjá þeim sem starfa í störfum sem krefjast þess að staðið sé stóran hluta úr degi og einnig hjá þeim sem eru með rósroða.
Húðfegrun býður upp á öflugar laser meðferðir sem vinna á rósroða, rauðum blettum og háræðaslitum, djúpum sem grunnum bæði í andliti og á fótleggjum.
IPL tækni frá Alma Lasers er notuð við framkvæmd á meðferð við rósroða. Ljósgeislinn nemur hemoglobin í blóðinu sem gerir það að verkum að blóð storknar og æð fellur saman án þess að nokkurra áhrifa gæti á ysta lag húðarinnar.
Því miður er ekki til lækning við rósroða en lasermeðferð getur hægt verulega á sjúkdómnum, haldið einkennum hans verulega niðri. Algengt er að framkvæma þurfi meðferð 6-10 sinnum með 4 vikna millibili á meðan verið er að ná einkennum niður og ná þannig sem bestum árangri.
Það eru ýmsir þættir sem geta valdið því að rósroði versni og má þar nefna ákveðnar húðvörur, hársprey, sólarljós, hiti, stress, áfengi og sterkur matur. Mælt er með að koma strax aftur í meðferð ef einkenni gera vart við sig á ný.
Háræðaslit geta bæði komið fram í andliti og á fótleggjum og er notast við öfluga lasertækni frá Alma Lasers þegar unnið er á djúpum háræðaslitum. Laserinn nemur hemoglobin í blóðinu sem gerir það að verkum að æðar minnka eða lokast. Laserinn inniheldur kælitækni sem dregur verulega úr sársauka, roða og bólgum eftir meðferð. Algengt er að framkvæma þurfi meðferð 4-6 sinnum í andliti til þess að ná sem bestum árangri en fleiri skipti getur þurft á fótleggjum. Gott er að leyfa 4-8 vikum að líða á milli meðferða.
Æðaslit í andliti geta verið fínleg og grunn og er því notast við IPL tæki frá Alma Lasers þegar unnið er á þeim þar sem sú tækni vinnur grynnra. Ljósgeislinn nemur hemoglobin í blóðinu sem gerir það að verkum að blóð storknar og æð fellur saman án þess að nokkurra áhrifa gæti á ysta lag húðarinnar. Það getur dugað að koma í staka meðferð á mjög lítið svæði en algengt er að þurfi 4-6 skipti með 4 vikna millibili til að sjá góðan árangur.
Fjöldi meðferða: Áætla má að framkvæma þurfi meðferð í 4-6 skipti fyrir háræðar í andliti og að lágmarki í 6 skipti fyrir háræðar á fótleggjum til að ná hámarksárangri. Algengt er að framkvæma þurfi meðferð við rósroða í 6-10 skipti til þess að ná rósroðanum niður. Líða þarf amk 4-8 vikur á milli meðferða en fer það eftir styrk meðferðar og meðferðarsvæði.
Eftir meðferð: Eftir að meðferð er framkvæmd getur myndast roði og bólga á meðferðarsvæði sem getur varað frá 1-2 dögum og allt upp í viku en fer það fer eftir meðferðarsvæði.
Hrúður, sár og blöðrur geta einnig myndast eftir meðferð og er mikilvægt að leyfa hrúðri gróa að fullu til þess að ná hámarks árangri meðferðar. Bera skal græðandi krem á meðferðarsvæði tvisvar á dag í a.m.k. viku eftir meðferð og gæta fyllsta hreinlætis svo ekki sé hætta á sýkingu. Mikilvægt er að nota sterka sólarvörn í a.m.k. viku eftir meðferð og forðast sól eins og hægt er. Mælt er með að sleppa líkamsrækt samdægurs og sundi í 1-2 daga eftir meðferð.
Til þess að ná sem bestum árangri eftir meðferð við háræðaslitum á fótum er mælt með að klæðast sokkum/sokkabuxum með góðum stuðningi í viku eftir meðferð, forðast alla áreynslu í 3 daga eftir meðferð og passa upp á að standa eða sitja ekki of lengi í einu. Einnig er mikilvægt að láta fætur ekki hanga né krossleggja þá á meðan meðferðarsvæði er að jafna sig.
DermaClear og Ávaxtasýrumeðferð eru báðar árangursríkar húðmeðferðir sem hægt er að aðlaga að rósroðahúð. Mælt er með að taka þær samhliða lasermeðferð við rósroða til þess að ná enn betri og heildstæðri árangri þar sem báðar meðferðirnar hafa þann eiginleika að hafa róandi og bólgueyðandi áhrif á húðina, auk þess að örva starfsemi hennar.
.png)
Ertu með spurningar áður en þú bókar meðferð við háræðaslitum eða rósroða eða vilt fá ráðgjöf um hvort meðferðin henti þér?
Við aðstoðum þig við að finna réttu meðferðina út frá einkennum þínum og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Öflug húðvara með andoxunarvörn sem hjálpar til við að draga úr hrukkum, bæta þéttleika og styrkja þroskaða húð.
