Gelísprautun - Hreinasta fylliefnið á markaðnum

Svæði: Varir • Nef • Kjálkalína • Milli augna • Enni

Gelísprautun er framkvæmd af hjúkrunarfræðingum Húðfegrunar með hreinasta fylliefninu á markaðnum í dag. Gelísprautun er náttúruleg andlitslyfting án skurðaðgerðar en hægt er að fylla í varir, hrukkur og línur, skerpa á andlitsdrættum, jafna hlutföll eða gefa andlitinu lyftingu.

Mildar hrukkur og skerpir andlitsdrætti

-30%

Varafyllingar

-30%

Árangur og endingartími

Hreinasta fylliefnið á markaðnum í dag

-30%

EMLA leiðbeiningar

-30%

-20% afsláttur Verð og bókun

• Grynnkar línur og hrukkur

• Mótar andlitsdrætti

• Veitir fyllingu

Hvernig virkar Gelísprautun?

Gelísprautun er framkvæmd með náttúrulegu fylliefni frá Nauiva Organic og er vinsæl meðferð til þess að fylla í eða milda hrukkur og línur, gefa andlitinu lyftingu, ýkja andlitsdrætti og jafna hlutföll þess enda skilvirk meðferð sem skilar hröðum og góðum árangri með náttúrulegum hætti án þess að gjörbreyta útliti.

Algengt er að fylliefni sé sett í kinnbein til að gefa andlitinu meiri fyllingu og lyfta neðra andliti. Fylliefni í kjálkalínu getur gefið andlitinu skarpari línur og unglegra yfirbragð en einnig hægt að jafna hlutföll í andliti með Gelísprautun í nef og höku.

Til viðbótar við náttúrulegt fjölsykrugel býður Húðfegrun upp á kollagenörvandi fjölsykrugel og er það hið eina sinnar tegundar á markaðnum. Það inniheldur, auk náttúrulegra fjölsykra, náttúrulegt steinefni sem örvar framleiðslu kollagens og gefur húðinni aukna fyllingu. Við mælum með þessari tegund fylliefnis sé ætlunin að gefa kinnbeinum fyllingu sem tapast hefur með aldrinum.

Varafyllingar, mildar hrukkur og skerpir andlitsdrætti

Varirnar eru eitt vinsælasta meðferðarsvæðið í Gelísprautun og framkvæmum við margar varafyllingar (e.lip fillers) á degi hverjum. Mælt er sérstaklega með því að bera á sig deyfikrem klukkutíma fyrir meðferð á fyllingu í varir. Mikið er af taugaendum á þessu meðferðarsvæði og getur meðferðin því verið nokkuð sársaukafull án deyfingar. Roði, bólga og mar geta myndast eftir meðferð. Þar sem varirnar eru nokkuð viðkvæmt svæði með tilliti til bólgusvörunar er ekki óeðlilegt að bólga geti varað í allt að 14 daga eftir meðferð. Algengt er að fylliefni í vörum endist í u.þ.b. 6-9 mánuði. Sérlega mikilvægt er að kæla meðferðarsvæði vel eftir þessa meðferð.

Örugg varafylliefni og til að draga úr hrukkum

Hreinasta fylliefnið á markaðnum í dag

Húðfegrun er stolt af því að nota fylliefni frá Neauvia Organic en vörurnar er búnar til úr hreinustu og öruggustu hráefnunum á markaðnum í dag. Framleiðendur Neauvia nota PEG fjölliðu (e. PEG polymer), í stað BDDE sem víxltengingarefni (e. crosslinking agent) sem ekki hefur verið notuð áður við gerð húðfyllingarefna. PEG fjölliðan skilur nær engin eiturefni eftir í líkamanum, ólíkt BDDE fjölliðinu sem skilur eftir sig u.þ.b 30x meira magn eiturefna, auk þess sem auðvelt er fyrir lifrina að brjóta hana niður. Víxltengingarefni lengja tímann sem húðfyllingarefni haldast í líkamanum, en vegna eituráhrifa víxltengingarefnisins BDDE eru húðfyllingarefni talin öruggari því minna sem magn þess er. Með notkun Neauvia, þar sem BDDE hefur verið skipt út fyrir PEG fjölliðu, þarf hins vegar ekki að velja á milli öryggis og árangurs.

Náttúrulegar fjölsykrur (e. hyaluronic acid) í Neauvia vörunum teljast því hreinni en aðrar sambærilegar vörur á markaðnum í dag. Ástæðan er sú að þær eru fengnar úr Bacillus Subtilis í stað Streptococcus Equi. Ekki þarf að rjúfa himnu Bacillus Subtilis með notkun kemískra efna þegar náttúrulegu fjölsykrurnar eru fengnar, heldur losar Bacillus Subtilis náttúrulegar fjölsykrur í ferli þar sem það kemst í tæri við eimað vatn. Ekki hefur komið upp tilfelli þar sem einstaklingur hefur sýnt viðbrögð við þeim.

Svokölluð IPN tækni (Interpenetrating Polymer Network) er notuð við gerð húðfyllingarefnanna frá Neauvia, en hún felst í því að sameina tvær ólíkar tegundir af fjölliðum og er hún ekki notuð við gerð annarra húðfyllingarefna, þar sem víxltengingarefni sambærilegra vara á markaðnum eru ekki fjölliður. Þökk sé þessu ferli hafa Neauvia vörurnar fullkomna seigju (e. rheology) sem gerir það að verkum að það auðveldara að móta þær, auk þess sem þær eru þolnari fyrir þrýstingi og hita.

Almennar upplýsingar

Árangur og endingartími: Árangur er sjáanlegur strax að meðferð lokinni en það getur tekið u.þ.b. 7-14 daga að sjá sléttast fyllilega úr línunni sem meðferðin var framkvæmd á. Í sumum tilfellum getur það tekið upp í mánuð að sjá endanlegan árangur af meðferð.

Endingartími er misjafn, eða frá 6 mánuðum og upp í nokkur ár. Fer hann m.a. eftir meðferðarsvæði, aldri, húðgerð, lífsstíl, vöðvaeiginleikum o.fl. Algengt er að endingartími sé styttri á svæðum þar sem vöðvar eru í mikilli notkun, líkt og í kringum munn. Roði, bólga og mar geta myndast eftir meðferð og varað í 2-7 daga, fer eftir meðferðarsvæði.

Fyrir meðferð: Til að draga úr sársauka á meðan á Gelísprautun stendur er mælt með að bera deyfikrem á meðferðarsvæði um klukkustund fyrir meðferð. Til þess að draga úr líkum á bólgu og mari eftir meðferð er einnig gott að hafa í huga að gera hlé á notkun magnyls og annarra blóðþynnandi lyfja í 3-5 daga fyrir meðferð sé þess kostur. Það sama á við um inntöku lýsis og áfengis, sem bæði hafa blóðþynnandi áhrif.

Eftir meðferð: Mikilvægt er að kæla meðferðarsvæði vel fyrst eftir meðferð þar sem það dregur verulega úr bólgumyndun. Ekki má koma við meðferðarsvæðið í 4 klst. eftir meðferð en eftir þann tíma má strjúka svæðið með mildum andlitshreinsi og vatni. Leyfilegt er að bera rakagefandi krem á svæðið og nota farða. Mælt er með að forðast sund, óhreint umhverfi og ryk sama dag og meðferð er framkvæmd. Mikilvægt er að nota sterka sólarvörn í a.m.k. viku eftir meðferð og forðast sól eins og hægt er.

Mismunandi fylliefni eru notuð á mismunandi meðferðarsvæði

Notuð eru fyllingarefni með mismunandi eiginleika eftir tilgangi meðferðar. Notað er t.d. þéttara og seigara efni þegar ætlunin er að móta kjálkalínu og kinnbein heldur en þegar þunnum og fínlegum vörum er veitt örlítil fylling. Einnig er þörf á þéttara og seigara efni þegar fyllt er upp í skornar línur á enni heldur en fínar línur á efri vör. Öll fylliefnin eiga það þó sameiginlegt að vera náttúruleg fjölsykrugel. Meðferðin er ekki varanleg þar sem að líkaminn brýtur fylliefnið hægt og rólega niður með tímanum.

EMLA leiðbeiningar

Berið EMLA deyfikrem á hreina og þurra húð 30-60 mínútum fyrir meðferð. Bera skal kremið á meðferðarsvæði en ekki nudda því inn í húð. Gott er að bæta smá deyfikremi á meðferðarsvæði á 15 mín fresti fram að meðferð.

Deyfing endist almennt í um 2 klst eftir að krem hefur verið fjarlægt af líkama en í styttri tíma eftir að krem hefur verið fjarlægt af andliti.

Ef EMLA berst fyrir slysni í auga skal skola það strax vel með volgu vatni og hlífa auganu þar til deyfingin fer úr.

Gelísprautun er oft notuð samhliða öðrum meðferðum

Til að ná fram enn betri og heilstæðari árangri er hægt að framkvæma Gelísprautun samhliða öðrum húðmeðferðum. Hægt er að leita ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best. Dæmi um meðferðir sem henta alltaf vel samhliða Gelísprautun eru t.d. Hollywood Glow og Húðslípun.