Áhrifarík lasermeðferð við litabreytingum í húð, svo sem brúnum blettum, sólarskemmdum, freknum og öldrunarblettum. Meðferðin miðar að því að jafna húðtón og draga úr sýnilegum litamun í húðinni.
Andlit - Líkami
Lasermeðferð við litabreytingum í húð, sólarskemmdum, brúnum blettum, öldrunarblettum, freknum, fæðingarblettum og melasma er framkvæmd með AFT tækni, háþróuðu formi af IPL tækni, sem tryggir aukið öryggi, minni aukaverkanir og betri langtímaárangur. Meðferðin er framkvæmd með þeim hætti að ljósgeislanum er beint að meðferðarsvæðinu þar sem hann nemur melanín í húðinni og brýtur það niður. Í kjölfarið dofnar litabreyting smám saman og húðtónn jafnast.
Um er að ræða örugga og áhrifaríka meðferð sem hentar öllum aldurshópum og flestum húðgerðum (I-IV).
Í flestum tilfellum eru það utanaðkomandi þættir sem gera það að verkum að melanín safnast upp í húðinni og hún dekkist á ákveðnum svæðum. Sólin er langalgengasta orsök litabreytinga en þær geta þó einnig komið fram í kjölfar áverka, bólgu, unglingabóla eða vegna lyfjainntöku.
Lasermeðferð við litabreytingum vinnur vel á allri uppsöfnun melaníns og brýtur niður umframlitarefni í húðinni. Með hverri meðferð dofnar litamismunurinn og er góður árangur almennt farinn að sjást eftir 2-4 meðferðir, fer eftir stærð svæðis og meðferðarformi. Sé um fæðingarblett að ræða er mælt með því að láta greina hann áður en bókaður er tími í meðferð.
Ólíkt öðrum litabreytingum er melasma ekki tilkomið vegna ytri áhrifa heldur vegna hormónabreytinga í líkamanum. Melasma kemur gjarnan fram á meðgöngu og orsakast af því að ákveðin hormón örva starfsemi fruma sem framleiða melanín. Í flestum tilfellum dofnar melasma með tímanum en það er þó persónubundið hve langan tíma það tekur.
Margar meðferðir við litabreytingum veita einungis tímabundna lausn við melasma þar sem þær brjóta eingöngu niður umfram melanín í húðinni. Þær ráðast hins vegar ekki að rót vandans, sem er umfram framleiðsla ákveðinna fruma á melaníni, og koma litabreytingar því
fram að nýju að ákveðnum tíma liðnum. Sú tækni sem Húðfegrun býður upp á hefur þann kost að eyða einnig frumum sem valda umfram framleiðslu melaníns og skila meðferðir því varanlegum árangri.
Fjöldi meðferða: Yfirleitt þarf 2–4 meðferðir við brúnum blettum, freknum og öldrunarblettum, en að minnsta kosti 4 meðferðir við meiri litabreytingum og sólarskemmdum. Um mánuður líður á milli meðferða.
Á milli meðferða: Nota má C-Shot Serum eða Discoloration Defense Serum þegar húðin hefur jafnað sig, til að vinna gegn litabreytingum og sólarskemmdum.
Eftir meðferð: Roði og bólga geta varað í nokkra daga. Í sumum tilfellum geta myndast hrúður, blöðrur eða sár. Leyfið húðinni að gróa náttúrulega, haldið svæðinu hreinu og berið græðandi rakakrem á tvisvar á dag í að minnsta kosti viku.
Notið SPF 30 eða hærra, forðist sól og sleppið sundi og mikilli líkamsrækt fyrstu dagana eftir meðferð.
.png)
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Phyto Corrective PDRN Serum frá SkinCeuticals er sérstaklega hugsað fyrir viðkvæma húð, húð sem er gjörn á að fá roða eða bólur, og rósroða húð. Serumið róar húðina samstundis, styður viðgerð og endurnýjun húðvarnarlagsins og veitir raka í allt að 48 klukkustundir.
