Laserlyfting er lasermeðferð sem örvar kollagen og elastín til að draga úr hrukkum, fínum línum og slappaðri húð á andliti og hálsi. Meðferðin vinnur einnig á mildum sólarskemmdum, öldrunarblettum, baugum og þrota á augnsvæði ásamt því að þétta húðina í kringum augun. Meðferðin hentar fyrir andlit, háls og augnsvæði.
Andlit - Andlit & háls - Háls - Augnsvæði
Laserlyfting er ein öflugasta meðferð Húðfegrunar ásamt Erbium YAG Laser meðferðinni sem miðar að því að vinna til baka öldrun húðar með náttúrulegum hætti. Meðferðin er byggð á nýjustu tækni frá Alma Lasers, einum fremsta framleiðanda heims á sviði húðmeðferða. Lasergeislanum er beint niður í undirlag húðarinnar þar sem hann örvar framleiðslu kollagens og elastíns með náttúrulegum og sársaukalausum hætti án þess að skaða húð eða nærliggjandi vefi. Í kjölfarið þéttist húðin og styrkist og hrukkur og línur mildast. Það sem gerir Laserlyftingu svona einstaka er að hún skilar sambærilegum árangri og andlitslyfting með skurðaðgerð en það sem laserlyfting hefur fram yfir andlitslyftingu er að einstaklingur getur farið beint í vinnu eftir meðferð þar sem sér ekki á húð eftir meðferð.
Tilgangur Laserlyftingar er ekki að gjörbreyta útliti viðskiptavina heldur er hún ætluð til að vinna hægt og rólega til baka ummerki öldrunar með því að þétta og styrkja húð sem farin er að slappast og gefa húðinni þannig lyftingu og fyllingu sem tapast hefur með aldrinum. Meðferðina má einnig framkvæma í forvarnarskyni, þ.e. til að viðhalda unglegri, þéttri og stinnri húð.
Laserlyfting vinnur vel á baugum, augnpokum, vökvasöfnun, þrota og þreytu á augnsvæðinu og er á sama tíma að þétta slappa húð og milda hrukkur og fínar línur. Þegar unnið er á þrota og vökvasöfnun eru dæmi um að hægt sé að ná talsverðum árangri með stakri meðferð.
Demantspakkinn sameinar Laserlyftingu á andliti og Hollywood Glow meðferð fyrir bæði tafarlausan ljóma og langtíma húðendurnýjun. Laserlyfting vinnur djúpt í húðinni þar sem meðferðin örvar kollagen og elastín til að þétta húð og mýkja línur og hrukkur, á meðan Hollywood Glow bætir húðáferð, ljóma og jafnara yfirbragð strax eftir meðferð.
Meðferðirnar vinna sérstaklega vel saman þar sem Hollywood Glow gefur húðinni ferskara og bjartara útlit samdægurs á meðan árangur af Laserlyftingu byggist smám saman upp á næstu vikum og mánuðum. Demantspakkinn hentar þeim sem vilja sameina húðþéttingu, aukinn ljóma og endurnýjun húðar í einni meðferðarpakkningu.
Árangur af Laserlyftingu byggist smám saman upp eftir meðferð þar sem örvun kollagens og elastíns heldur áfram í 3–6 mánuði. Húðin verður þéttari, stinnari og línur og hrukkur mýkjast með tímanum. Laserlyfting skilar langtíma árangri sem getur haldist í um 4 ár eða lengur hjá þeim sem viðhalda húðinni vel.
Sé markmiðið að vinna til baka öldrun húðar þarf oftast 4–6 meðferðir til að ná hámarksárangri. Fyrir viðhald og forvarnir getur stök meðferð á 6–12 mánaða fresti verið nægileg. Mælt er með að líði að minnsta kosti einn mánuður á milli meðferða.
Laserlyfting hefur lítinn niðuritíma og í flestum tilfellum er aðeins um vægan hita og roða að ræða samdægurs. Smávægileg bólga getur komið fram í 1–2 daga eftir meðferð, fer eftir meðferðarsvæði og húðgerð.
Mælt er með að halda góðum raka í húðinni fyrstu vikuna eftir meðferð og nota sterka sólarvörn daglega. Einnig er gott að forðast sund, mikla hita og beina sól fyrstu dagana eftir meðferð.
Ertu með spurningar áður en þú bókar laserlyftingu eða húðmeðferð?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Öflug húðvara með andoxunarvörn sem hjálpar til við að draga úr hrukkum, bæta þéttleika og styrkja þroskaða húð.
