Laserlyfting er lyfting á andliti og hálsi án skurðaðgerðar og ein öflugasta meðferð Húðfegrunar, ásamt Erbium YAG Laser. Lasergeislinn örvar framleiðslu kollagens og elastíns í undirlagi húðarinnar, svo húðin þéttist og hrukkur og fínar línur mildast. Meðferðin byggir á tækni frá Alma Lasers, er sársaukalaus og þú ferð beint í vinnu á eftir.
Andlit - Andlit & háls - Háls - Augnsvæði
Laserlyfting er framkvæmd með ClearLift tæki frá Alma Lasers. Lasergeislanum er beint djúpt niður í undirlag húðarinnar, án þess að skaða yfirborð húðar eða nærliggjandi vefi. Þar örvar hann kollagen- og elastínframleiðslu, en þessi prótein halda húðinni þéttri og stinnri. Endurnýjunin hefst strax að meðferð lokinni og heldur áfram í 3–6 mánuði, svo árangurinn eykst með hverjum deginum. Hann helst í um 4 ár, jafnvel lengur hjá þeim sem hugsa vel um húðina. Þar sem yfirborð húðarinnar skaðast ekki sér yfirleitt lítið á húðinni eftir meðferð.
Laserlyfting vinnur hægt og rólega gegn ummerkjum öldrunar. Hún þéttir og styrkir húð sem er farin að slappast og gefur henni aftur þá lyftingu og fyllingu sem hefur tapast með aldrinum. Útkoman er þitt eigið útlit, bara ferskara og unglegra. Meðferðina má líka nota til forvarna, til að viðhalda unglegri, þéttri og stinnri húð.
Laserlyfting vinnur vel á baugum, augnpokum, vökvasöfnun, þrota og þreytu á augnsvæðinu. Um leið þéttir hún slappa húð og mildar hrukkur og fínar línur. Í mörgum tilfellum næst talsverður árangur á þrota og vökvasöfnun með einni meðferð.
Demantspakkinn inniheldur Laserlyftingu á andliti og Hollywood Glow, og með kaupum á pakkanum sparar þú 30% af andvirði meðferðanna.
Meðferðirnar vinna sérlega vel saman því þær sameina skammtíma- og langtímaárangur. Hollywood Glow gefur húðinni samstundis fallegan ljóma og bjartara yfirbragð sem endist yfirleitt í nokkra mánuði. Árangur Laserlyftingar kemur hægt og rólega fram og endist í um 4 ár. Laserlyfting örvar framleiðslu kollagens og elastíns með nýmyndun húðfrumna, en Hollywood Glow örvar þær frumur sem fyrir eru til að framleiða meira. Teknar saman skila meðferðirnar betri árangri en hvor í sínu lagi.
Árangur: Endurnýjun og örvun kollagens í húðinni hefst strax að meðferð lokinni og heldur áfram í 3–6 mánuði. Árangurinn eykst með hverjum deginum sem líður. Hann helst í um 4 ár, jafnvel lengur hjá þeim sem hugsa vel um húðina. Eftir það fer öldrunarferlið hægt og rólega af stað á ný, húðin missir teygjanleika og dregur úr kollagenframleiðslu.
Fjöldi meðferða: til að vinna til baka öldrun húðar má áætla 4–6 meðferðir til að ná hámarksárangri. Sé markmiðið fyrst og fremst forvörn getur dugað ein meðferð á 6–12 mánaða fresti. Að minnsta kosti mánuður þarf að líða á milli meðferða.
Í flestum tilfellum er aðeins um hita og roða í húð að ræða samdægurs. Lítil bólga getur varað í 1–2 daga, eftir því hvaða svæði er meðhöndlað. Gott er að bera rakagefandi krem á svæðið tvisvar á dag í viku eftir meðferð. Mælt er með að forðast sund í 1–7 daga, eftir meðferðarformi, nota sterka sólarvörn í að minnsta kosti viku og forðast sól eins og hægt er.
Ertu með spurningar áður en þú bókar laserlyftingu eða húðmeðferð?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Phyto Corrective PDRN Serum frá SkinCeuticals er sérstaklega hugsað fyrir viðkvæma húð, húð sem er gjörn á að fá roða eða bólur, og rósroða húð. Serumið róar húðina samstundis, styður viðgerð og endurnýjun húðvarnarlagsins og veitir raka í allt að 48 klukkustundir.
