Fitueyðing Ultrasound er meðferð fyrir þráláta fitusöfnun á andliti og líkama. Meðferðin vinnur á fitufrumum með ultrasound tækni án skurðaðgerðar og hentar svæðum eins og undirhöku, maga, baki og lærum.
Undirhaka – Andlit – Háls – Magasvæði – Bak – Upphandleggir – Læri – Mjaðmir
Fitueyðing Ultrasound er byltingarkennd húðmeðferð sem byggð er á nýjustu tækni á sviði náttúrulegrar fitueyðingar án skurðaðgerðar.
Accent Prime tæki frá Alma Lasers er notað í meðferðinni sem byggir á notkun ultrasound bylgja. Með þessari tækni er verið að valda titringi sem leiðir til þess að veikburða frumuveggir fitu frumnanna rofna sem eyðast í framhaldi úr líkamanum í gegnum sogæðakerfið. Frumuveggir annarra frumna líkamans eru mun sterkari og þola því titringinn án þess að skaðast.
Fitueyðing Ultrasound hentar öllum þeim sem eiga erfitt með að losna við fitu á afmörkuðum svæðum. Meðferðinn skilar varanlegum árangri sé heilbrigðum lífsstíl viðhaldið og hentar hún öllum aldurshópum og húðgerðum. Meðferðin er örugg, sársaukalaus ásamt því að hafa litlar sem engar aukaverkanir og er því hægt að fara td. í vinnu strax að meðferð lokinni.
Til þess að ná hámarks árangri þarf rakabúskapur líkamans að vera góður og því mikilvægt að huga vel að vatnsdrykkju bæði fyrir og eftir hverja meðferð.
Andlit, háls og undirhaka eru vinsæl svæði til þess að taka í Fitueyðingu Ultrasound og er undirhakan eitt af þeim svæðum sem algengast að sé til vandræða þrátt fyrir heilbrigðan lífsstíl.
Við mælum með að taka Húðþéttingu samhliða meðferðinni sé um mikla undirhöku að ræða til að koma í veg fyrir lausa húð á meðferðarsvæðinu.
Fitueyðingu Ultrasound má framkvæma hvar sem er á líkamanum. Vinsæl meðferðarsvæði til þess að taka eru upphandleggir, læri, bak og mjaðmir því þar virðist fitan oft eiga það til að festast þó svo að heilbrigðum lífsstíl sé haldið. Miðað er við að hvert meðferðarsvæði sé á stærð við A4 blað og mikið þyngdartap átt sér stað á skömmum tíma er gott að koma í Húðþéttingu samhliða til að þétta og styrkja lausa húð.
Til þess að ná sem bestum árangri þarf oftast 4–6 meðferðir og mælt er með að líði að minnsta kosti tvær vikur á milli meðferða.
Árangur kemur fram smám saman í allt að 3 mánuði eftir hverja meðferð og mikilvægt er að viðhalda heilbrigðum lífsstíl samhliða meðferðunum til að hámarka árangur.
Fyrir meðferð er mikilvægt að drekka vel af vatni, að minnsta kosti 2 lítra á dag, í 3 daga fyrir meðferð.
Eftir meðferð geta roði og bólga myndast í 1–2 daga, fer eftir meðferðarsvæði. Mikilvægt er að drekka vel af vatni í að minnsta kosti 3 daga eftir meðferð og forðast áfengi fyrstu 5 dagana.
Mælt er með að bera rakagefandi krem á svæðið tvisvar á dag í viku eftir meðferð og forðast sund og líkamsrækt samdægurs. Einnig er mikilvægt að nota sterka sólarvörn og forðast mikla sól fyrstu vikuna eftir meðferð.
Til að ná fram sem mestri virkni er oft gott að blanda saman ólíkum meðferðum sem eru með mismunandi áherslur. Hægt er að leita ráðgjafar hjá sérfræðingum Húðfegrunar til að finna þær meðferðasamsetningar sem hentar þér best.
Dæmi um meðferð sem hentar alltaf vel samhliða Fitueyðingu Ultrasound er Húðþétting, en hún hraðar efnaskiptum í kjölfar Fitueyðingar og hjálpar húðinni að draga sig saman, þéttast og styrkjast.
Ertu með spurningar áður en þú bókar fitueyðingu eða líkamsmótun?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Öflug húðvara með andoxunarvörn sem hjálpar til við að draga úr hrukkum, bæta þéttleika og styrkja þroskaða húð.
