Toxín er meðferð sem dregur úr hrukkum og fínum línum með því að slaka tímabundið á ákveðnum andlitsvöðvum. Meðferðin er oft kölluð Botox meðferð og er algeng fyrir enni, milli augna og broslínur.
Enni – Milli augna – Broslínur – Kjálkalína – Háls – Axlarvöðvi
Toxín (þekkt undir vörumerkinu Botox) er vöðvaslakandi efni sem notað er til að draga tímabundið úr virkni ákveðinna andlitsvöðva. Efnið hindrar taugaboð til vöðvanna, sem minnkar samdrátt þeirra á meðferðarsvæðinu. Með því að draga úr endurteknum vöðvahreyfingum mýkjast fínar línur og hrukkur sem myndast með tímanum, til dæmis við bros, grettu eða þegar augabrúnir eru hækkaðar. Áhrif meðferðarinnar eru tímabundin og hverfa smám saman eftir nokkra mánuði, eftir því hvernig líkaminn brýtur efnið niður.
Algeng meðferðarsvæði eru enni, svæðið milli augabrúna og augnsvæði (broslínur), en einnig krákur, nef, haka, kjálkalína, lyfta augabrúnum, lyfta efri vör, háls og axlarvöðvi. Meðferðin veitir húðinni sléttara og ferskara yfirbragð og getur skapað svokallað „glass effect“-áhrif.
Litlu magni af vöðvaslakandi efni er sprautað með fínni nál á nokkra stungu staði á því svæði sem á að meðhöndla. Meðferðin er fljótleg, batatími stuttur og áhrifin koma yfirleitt fram innan nokkurra daga. Árangur varir að jafnaði í 3–4 mánuði, en getur verið einstaklingsbundinn.
Meðferðin er framkvæmd af lækni og hjúkrunarfræðingum undir handleiðslu læknis, sem tryggir öryggi og faglega framkvæmd.
Árangur og endingartími: Árangur Toxín meðferðar sést ekki strax, þar sem efnið byrjar að virka eftir nokkra daga. Full verkun getur tekið allt að tvær vikur.
Endingartími er einstaklingsbundinn en að jafnaði varir áhrifin í 3–4 mánuði. Hann fer meðal annars eftir meðferðarsvæði, aldri, húðgerð, lífsstíl og eiginleikum vöðva. Á svæðum þar sem vöðvar eru mikið notaðir eða hjá einstaklingum með sterka vöðva getur endingartíminn verið styttri.
Fyrir meðferð: Forðast skal blóðþynnandi lyf (ef mögulegt og í samráði við lækni) nokkra daga fyrir meðferð til að minnka líkur á marblettum. Meðferð er ekki ráðlögð konum á meðgöngu eða við brjóstagjöf. Mælt er með að koma óförðuð/ófarðaður á meðferðarsvæði. Mikilvægt er að upplýsa meðferðaraðila um heilsufar, lyfjanotkun og fyrri reynslu af sambærilegum meðferðum.
Eftir meðferð: Mar eða vægur roði getur myndast á meðferðarsvæðinu. Meðferðasvæði getur verið viðkvæmt viðkomu fyrstu dagana, en þetta gengur yfirleitt til baka innan viku. Yfirleitt sjást engin merki eftir meðferð, þó roði og væg bólga á stungustöðum séu algeng fyrstu 30–60 mínúturnar. Í einstaka tilfellum getur komið fram höfuðverkur sem hverfur á 1–2 sólahringum.Mælt er með að takmarka líkamlegt álag fyrsta sólarhringinn og sleppa líkamsrækt. Forðast skal að þrýsta á eða nudda stungu svæðið fyrstu klukkustundirnar eftir meðferð, þar sem það gæti valdið því að efnið dreifist í nærliggjandi vöðva sem ekki átti að meðhöndla.
Ertu með spurningar áður en þú bókar Toxin meðferð eða húðmeðferð?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
