Hollywood Glow er háþróuð húðmeðferð sem sameinar nýjustu tækni og öflugt nær innrautt ljós. Meðferðin styrkir húðina, eykur þéttleika og gefur henni fallegan ljóma – án sársauka.
Andlit - Andlit & háls
Hollywood Glow er framkvæmd með nær-innrauðu ljósi (NIR infrared light) sem hitar húðina á þægilegan máta og örvar kollagenframleiðslu hennar. Húðin verður þéttari og fær samstundis aukinn ljóma og hentar hún því afar vel fyrir sérstök tilefni. Meðferðin spornar einnig gegn öldrun húðarinnar auk þess að gera áferð hennar fallegri. Hollywood Glow er örugg og þægileg meðferð sem hentar öllum húðgerðum.
Hollywood Glow dregur nafn sitt af því að hún er ein vinsælasta meðferðin hjá stjörnunum fyrir stóra viðburði. Vegna þess hve fljótt árangur meðferðarinnar kemur fram er hún tilvalin í aðdraganda stórra viðburða.
Sá eiginleiki sem Hollywood Glow er þekktust fyrir er að gefa húðinni nær samstundis aukinn ljóma. Margir merkja árangur strax að meðferð lokinni en í sólarhring eftir meðferð er áferð húðar að mýkjast og fallegur ljómi smám saman að koma fram. Þessi áhrif endast í allt að 3 mánuði eftir meðferð, og í allt að 6 mánuði séu 4 meðferðir teknar með 1-4 vikna millibili.
Nær-innrauða ljósið hækkar hitastig í undirlagi húðar, sem gerir það að verkum að nýtt kollagen myndast, elastínþræðir styrkjast, trefjar í húðinni draga sig saman og húðin þéttist og styrkist. Almennt eru áhrif húðþéttingarinnar að koma hægt og rólega í ljós í 2-3 mánuði eftir meðferð og endist sú húðþétting sem næst í allt að 2 ár. Með því að örva kollagenframleiðslu er meðferðin einnig að sporna gegn og hægja á öldrun húðarinnar.
Nær-innrauða ljósið hjálpar húðfrumunum að endurnýja sig og kemur viðgerðarferli af stað í vefjum í undirlagi húðarinnar. Blóðflæði til húðar örvast sem skilar sér í meira súrefni og næringarefnum til húðar. Meðferðin dregur úr bólgum og sársauka og hefur græðandi áhrif. Hún hentar því vel til að flýta bataferli í kjölfar húðmeðferða sem valda áverkum líkt og bólgu og mari.
Demantspakkinn sameinar Laserlyftingu á andliti og Hollywood Glow meðferð fyrir bæði tafarlausan ljóma og langtíma húðendurnýjun. Laserlyfting vinnur djúpt í húðinni þar sem meðferðin örvar kollagen og elastín til að þétta húð og mýkja línur og hrukkur, á meðan Hollywood Glow bætir húðáferð, ljóma og jafnara yfirbragð strax eftir meðferð.
Meðferðirnar vinna sérstaklega vel saman þar sem Hollywood Glow gefur húðinni ferskara og bjartara útlit samdægurs á meðan árangur af Laserlyftingu byggist smám saman upp á næstu vikum og mánuðum. Demantspakkinn hentar þeim sem vilja sameina húðþéttingu, aukinn ljóma og endurnýjun húðar í einni meðferðarpakkningu.
Fjöldi meðferða: Mælt er með að taka 4 skipti til að ná hámarksárangri og er árangur meðferðar þá jafnframt að endast lengur. Sé ætlunin einungis að fríska upp á húðina fyrir sérstakt tilefni dugir að koma í stakt skipti.
Eftir meðferð: Eftir meðferð getur myndast smá roði sem varir í nokkrar klst eftir meðferð.
Gott er að passa vel upp á húðina samdægurs með því að bera rakagefandi krem á meðferðarsvæðið, forðast sól eins og hægt er, nota sterka sólarvörn og sleppa því að fara í líkamsrækt og sund.
Til að ná fram enn betri og heildstæðari árangri er hægt að framkvæma Hollywood Glow samhliða öðrum húðmeðferðum. Hægt er að leita ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best. Dæmi um meðferðir sem henta alltaf vel samhliða Hollywood Glow eru t.d. Laserlyfting, Hyaluronic Booster og DermaClear.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Öflug húðvara með andoxunarvörn sem hjálpar til við að draga úr hrukkum, bæta þéttleika og styrkja þroskaða húð.
