Áhrifarík meðferð við vörtum og húðsepum með laser eða frystingu. Hvaða meðferð hentar best fer meðal annars eftir stærð, staðsetningu og gerð vörtu eða húðsepa. Markmiðið er að fjarlægja húðbreytinguna á öruggan og markvissan hátt.
Húðfegrun býður upp á tvær mismunandi meðferðir við vörtum og húðsepum: lasermeðferð og frystimeðferð. Val á meðferð fer eftir húðgerð, stærð, lögun og staðsetningu húðbreytingarinnar.
Við lasermeðferð er lasergeisla beint nákvæmlega að vörtunni eða húðsepanum til að fjarlægja húðbreytinguna.
Við frystimeðferð er svæðið fryst með níturoxíði. Frystingin veldur því að frumurnar í meðferðarsvæðinu eyðast og húðin grær síðan smám saman.
Hvaða aðferð hentar best er metið út frá húðgerð og þeirri húðbreytingu sem á að meðhöndla.
Vörtur eru veirusýking í húð sem smitast með beinni snertingu eða snertingu við sýkta hluti. Þeim má lýsa sem hörðum og hrjúfum hnútum sem oft eru húðlitaðir og kringlóttir en geta þó verið hrjúfir og haft grófar útlínur. Vörtur eru yfirleitt saklausar en geta þó valdið kláða og sársauka. Algengt er að vörtur myndist á fingrum, handarbökum, hnjám og iljum og hverfa vörtur á höndum og fótum venjulega á 6-24 mánuðum án meðhöndlunar. Í flestum tilfellum er hægt að greina vörtur með því einu að horfa á þær en í einstaka tilfelli getur þurft að taka sýni til frekari greiningar.
Húðsepi er góðkynja vöxtur sem hangir á þunnum þræði/stilk út frá húðinni. Húðsepar myndast oft í húðfellingum eða þar sem núningur er til staðar, líkt og í handarkrikum, nára, augnlokum, hálsi eða undir brjóstum. Þeir eru mjúkir og getur lögun þeirra bæði verið kringlótt og ójöfn. Þeir eru ýmist húðlitaðir eða dekkri en húð og geta jafnvel verið dökkbláir. Húðsepar eru algengir, sérstaklega með hækkandi aldri, alveg meinlausir og valda almennt ekki sársauka nema þeir nuddist við fatnað eða skartgripi.
.png)
Ertu með spurningar áður en þú bókar meðferð við vörtum eða húðsepum?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Phyto Corrective PDRN Serum frá SkinCeuticals er sérstaklega hugsað fyrir viðkvæma húð, húð sem er gjörn á að fá roða eða bólur, og rósroða húð. Serumið róar húðina samstundis, styður viðgerð og endurnýjun húðvarnarlagsins og veitir raka í allt að 48 klukkustundir.
