Ávaxtasýrumeðferð - Micropeel 30% & Pigment Balancing Peel 40%

Hvernig virkar Ávaxtasýrumeðferð?

Ávaxtasýrumeðferð er áhrifarík og öflug meðferð sem miðar að því að örva og viðhalda heilbrigði húðar. Í meðferðinni er borin öflug og hrein sýru frá SkinCeuticals á meðferðarsvæði sem er sérstaklega hönnuð til þess auka heilbrigði húðar.  Kostir þess að nota hreina sýru er aukin virkni, hún vinnur dýpra í undirlag húðar, litlar sem engar líkur eru á óþoli gegn henni og er hún með lágt pH gildi og skilar hún því hámarksárangri.

Tvenns konar ávaxtasýrumeðferðir eru í boði, Micropeel 30% og Pigment Balancing Peel 40%. Báðar sýrumeðferðirnar eru öflugar og vinna á ysta lagi húðar en búa yfir mismunandi kostum og er því gott að fá meðferðferðaraðila til þess að meta hvor sýran hennti en fer það eftir húðtýpu og markmiði með meðferð.  Meðferðina er hægt að aðlaga að öllum húðgerðum og húðvandamálum.

_{Losar um dauðar húðfrumur og brýtur niður óhreinindi í svitaholum}

Með meðferðinni er verið að losa um dauðar húðfrumur á ysta lagi húðar og örvar endurnýjunarferli hennar. Strax eftir meðferð fær húðin bjartara og frísklegra yfirbragð. ‍
Meðferðin:
- Brýtur niður óhreinindi í svitaholum
- Kemur jafnvæg á olíuframleiðslu
- Hefur bakteríudrepandi áhrif,
- Vinnur vel á bólum og fílapennsum
- Hefur róandi áhrif á húð, hentar því vel þeim sem eru með rósroða, viðkvæma eða bóluhúð
- Vinnur gegn öldrun
- Þéttir, styrkir og mildar fínar línur
- Jafnar húðtón og vinnur vel á lítabreytingum hvort semþað er vegna sólarskemmda, hormónaójafnvægis (e.melasma) eða bólur.
‍

_{Hver er munurinn á Micropeel 30% - Pigment Balancing Peel 40%?}

Micropeel 30% ávaxtasýran er öflug sýra sem vinna vel á ysta lagi húðar. Hún hentar sérstaklega vel þeim sem glíma við ótímabær merki öldrunar, litabreytingar og aðra kvilla í húð af völdum sólar og einnig þeim sem eru að glíma við þurrk í húð. Meðferðin vinnur á hrukkum og fínum línum, þéttir húðina, gefur henni bjartara yfirbragð og eru kostir sýrunar að hún hentar öllum aldri og húðtegundum.

Pigment Balancing Peel 40% ávaxtasýran er örlítið sterkari en Micropeel 30% sýran. Pigment Balancing Powder er blandað við sýruna sem inniheldur C-Vítamín og emblica extract. Hún hentar því sérstaklega vel þeim sem glíma við miklar litabreytingar í húð sem eru tilkomnar vegna sólarskemmda, hormónaójafnvægis og þeim sem eru með rauða bólguflekki í húð.

Einnig er hægt aðlaga meðferðina ennþá frekar að þeim sem eru með virkar bólur (e.acne) með því að blanda Sanitizing Booster við sýrurnar og hentar meðferðin því einstaklega vel fyrir þá sem eru með mikla olíuframleiðslu og  bóluhúð. Helstu kostir sýrunar er að hún vinnur vel á litabreytingum, ójafnvægi í olíuframleiðslu húðar, bóluhúð, og veitir húðinni fallegan ljóma. 

Mælt er með að ráðfæra sig við meðferðaraðila áður en meðferð er bókuð sértu á bólulyfjum.

Almennar upplýsingar

Fjöldi meðferða: Strax eftir meðferð fær húðin frísklegra yfirbragð og getur því stök meðferð dugað. Til þess að ná sem bestum árangri er þó mælt með að taka 4-6 meðferðir með 10-14 daga millibili, en fer það eftir styrk meðferðar og húðgerð en með hverri meðferð næst betri og betri árangur.

Eftir meðferð: Eftir meðferð getur borið á roða og jafnvel bólgu í húð sem getur varað frá 2-3 dögum og allt upp í viku, fer eftir styrk meðferðar og húðgerð. Í sumum tilfellum getur komið þurrkur og húðin flagnað, en eru það eðlileg viðbrögð húðarinnar við meðferðinni.

Mælt er með því að bera græðandi rakakrem á meðferðarsvæðið tvisvar á dag í a.m.k. viku. Eftir meðferð verður húðin viðkvæmari fyrir sól og er því mikilvægt að nota sterka sólarvörn (a.m.k. SPF 30) og forðast sól eins og hægt er fyrstu vikuna eftir meðferð. Gott er að sleppa líkamsrækt og sundi í 1-7 daga eftir meðferð, fer eftir styrk meðferðar og húðgerð.

Ávaxtasýrumeðferð hentar vel samhliða öðrum húðmeðferðum

Til að ná fram enn betri og heildstæðari árangri er hægt að framkvæma Ávaxtasýrumeðferð samhliða öðrum húðmeðferðum. Leita má ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best og ákvarða hversu langur tími skuli líða á milli meðferða. Dæmi um meðferðir sem henta alltaf vel samhliða Ávaxtasýrumeðferð eru t.d. Húðslípun og Lúxus Húðslípun.