Húðþétting er RF-meðferð sem styrkir slappa húð og dregur úr ásýnd appelsínuhúðar með því að örva kollagenframleiðslu, án skurðaðgerðar. Meðferðin hentar á maga, læri, handleggi, háls og önnur svæði þar sem húðin hefur misst þéttleika.
Við bjóðum uppá 30% afslátt ef greitt er fyrir 4 skipti, fullkomið tækifæri til að ná enn betri og varanlegri árangri.
Magasvæði – Læri – Rass – Upphandleggir – Andlit – Háls
.png)
.png)
Meðferðin er framkvæmd með Accent Prime frá Alma Lasers, sem byggir á radiofrequency (RF) tækni. Bylgjurnar koma vatnssameindum í húðinni á hreyfingu og núningurinn á milli þeirra myndar hita í vefjum. Þar sem stór hluti húðarinnar er vatn nær hitinn vel til hennar, vefirnir draga sig saman og framleiðsla kollagens örvast.Til að ná sem bestum árangri þarf rakabúskapur líkamans að vera góður og því er mikilvægt að drekka vel af vatni bæði fyrir og eftir hverja meðferð. Meðferðin er sársaukalaus og hentar öllum húðgerðum og aldurshópum.
Húðþétting er þróuð til að styrkja og þétta slappa húð, hvort sem hún stafar af aldri, þyngdartapi eða meðgöngu. Meðferðin vinnur djúpt í undirlagi húðarinnar, hjálpar vefjum að draga sig saman og örvar kollagenframleiðslu. Útkoman er þéttari og stinnari húð.
Húðþétting getur dregið úr ásýnd appelsínuhúðar með því að hita vefina og hjálpa þeim að draga sig saman. Húðin fær sléttari og mýkri áferð.
Kollagen er eitt mikilvægasta byggingarprótein líkamans. Með hækkandi aldri hægir á framleiðslu þess og húðin fer að slappast. Húðþétting örvar kollagenmyndun og hjálpar húðinni þannig að viðhalda stinnleika sínum.
Meðferðin styður við endurnýjun húðarinnar djúpt í undirlaginu, sem skilar sér í fallegri áferð og jafnari húðtón. Hún getur einnig mildað ásýnd húðslita og öra um leið og húðin þéttist og hentar því vel á magasvæði eftir meðgöngu.
Til að ná fram sem mestri virkni er gott að blanda saman ólíkum meðferðum með mismunandi áherslur. Hægt er að leita ráðgjafar hjá sérfræðingum Húðfegrunar til að finna þær meðferðarsamsetningar sem henta þinni húð best.
Dæmi um meðferðir sem henta vel samhliða Húðþéttingu eru Fitueyðing Ultrasound fyrir líkama eða háls og SkinBooster fyrir andlit.
Fjöldi meðferða: Til að ná sem bestum árangri má áætla að þörf sé á 4–6 meðferðum og að líða þurfi minnst tvær vikur á milli þeirra. Árangur kemur fram hægt og rólega í allt að 3 mánuði eftir hverja meðferð. Mikilvægt er að viðhalda heilbrigðum lífsstíl samhliða meðferðum.
Fyrir meðferð: Til að auka árangur er mikilvægt að drekka minnst 2 lítra af vatni á dag, í minnst 3 daga fyrir meðferð.
Eftir meðferð: Roði og bólga geta myndast og varað í 1–2 daga, eftir meðferðarsvæði. Mikilvægt er að drekka minnst 2 lítra af vatni á dag, í minnst 3 daga eftir meðferð. Mælt er með að bera rakagefandi krem á meðferðarsvæðið tvisvar á dag í viku eftir meðferð og forðast sund og líkamsrækt samdægurs. Notaðu sterka sólarvörn í minnst viku eftir meðferð og forðastu sól eins og hægt er.
Samsetning þessara meðferða hentar vel þeim sem vilja gefa þreyttri húð, sem er byrjuð að slappast, þéttingu, raka og ljóma. Báðar meðferðirnar örva kollagenmyndun í mismunandi lögum húðarinnar: Húðþétting dýpra í undirlaginu og SkinBooster í efri lögum hennar. Þannig næst alhliða þétting til lengri og skemmri tíma. SkinBooster er inndæling með hýalúrónsýru sem gefur húðinni jafnframt raka og ljóma og nærir hana með steinefnum og amínósýrum.
.png)
.png)
.png)
Ertu með spurningar áður en þú bókar húðþéttingu eða líkamsmótun?
Við aðstoðum þig við að finna réttu meðferðina og bóka tíma sem hentar þér.
Þú getur haft samband hvenær sem er í gegnum bokanir@hudfegrun.is
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Phyto Corrective PDRN Serum frá SkinCeuticals er sérstaklega hugsað fyrir viðkvæma húð, húð sem er gjörn á að fá roða eða bólur, og rósroða húð. Serumið róar húðina samstundis, styður viðgerð og endurnýjun húðvarnarlagsins og veitir raka í allt að 48 klukkustundir.
