Laxasæðimeðferð er húðendurnýjandi meðferð sem byggir á pólýnúkleótíðum (PDRN). Hún styður við náttúruleg viðgerðarferli húðarinnar og bætir raka, teygjanleika, áferð og ljóma. Efninu er sprautað í húðina og meðferðin er framkvæmd af lækni og hjúkrunarfræðingum.
Meðferðarsvæði: Andlit - Augnsvæði - Háls - Bringa - Handabök
PDRN eru líffræðilega virk, DNA-bundin efni sem unnin eru úr laxategundum. Þau hafa fengið mikla athygli í fagurfræði vegna endurnýjandi eiginleika og eru efni sem líkaminn þolir mjög vel.
Þau vinna djúpt í húðinni og styðja við náttúrulega endurnýjun hennar með því að örva trefjafrumur sem framleiða kollagen og elastín. Þetta styrkir húðina, eykur teygjanleika og bætir áferð hennar.
Auk þess styðja þau við endurnýjun húðfrumna og styrkja varnarhjúp húðarinnar, sem leiðir til heilbrigðari, sléttari og sterkari húðar. Þau hafa einnig róandi og bólgueyðandi áhrif sem geta dregið úr roða og ertingu.
Meðferðin hentar öllum húðgerðum og aldri þar sem hægt er að aðlaga hana að þörfum hvers og eins. Hún er hentug bæði fyrir húð sem sýnir fyrstu merki öldrunar, minnkaðan teygjanleika, ójafnan húðlit eða bólur, sem og fyrir eldri húð sem hefur orðið slakari, sýnir dýpri línur eða hefur ójafna húð.
Meðferðin er hægt að framkvæma á andliti, augnsvæði, hálsi, bringu og handarbökum og hefur einnig sýnt góð áhrif á bláma og þreytu undir augum.
Hún hentar sérstaklega vel við:
- fínar línur og slaka húð
- þurrk og skort á raka
- bauga undir augum
- rósroða og viðkvæma húð
- ör og ójafnan húðlit
Langlífi húðar snýst um að viðhalda og styrkja húðina til lengri tíma í stað þess að bregðast aðeins við þegar vandamál eru orðin sýnileg. Laxasæðimeðferð fellur vel að þeirri nálgun. Hún styður við náttúruleg endurnýjunarferli húðarinnar og árangurinn byggist upp smám saman. Þetta er langtímanálgun, ekki skyndilausn.
Árangur og fjöldi meðferða: Áhrif Laxasæðismeðferðar byggjast upp smám saman eftir því sem húðin endurnýjar sig. Fyrstu breytingar geta komið fram innan nokkurra vikna og árangurinn verður sýnilegri með tímanum.
Mælt er með 3–4 meðferðum með um 2 vikna millibili. Viðhaldsmeðferð á 4–6 mánaða fresti getur hjálpað til við að viðhalda árangri til lengri tíma.
Húðin verður fyrst rakameiri og ferskari, en með tímanum getur áferð, teygjanleiki og heildarútlit húðarinnar orðið jafnara og heilbrigðara.
Eftir meðferð: Eftir meðferð geta komið fram litlar bólur sem hverfa venjulega innan nokkurra klukkustunda eða næsta dags. Vægur roði eða bólga getur varað í 1–3 daga.
Mikilvægt er að kæla meðferðarsvæðið vel fyrst eftir meðferð til að draga úr bólgumyndun. Ekki má snerta meðferðarsvæðið fyrstu 4 klukkustundirnar. Eftir það má hreinsa svæðið varlega með mildum andlitshreinsi og vatni og bera á rakagefandi krem.
FMælt er með að forðast líkamsrækt, sund, óhreint umhverfi og ryk sama dag og meðferð er framkvæmd. Mikilvægt er að nota góða sólarvörn, að minnsta kosti SPF 30–50, næstu daga og forðast beina sól eins og kostuFrábendingar
Meðferðin hentar ekki ef:
.png)
.png)
Ertu með spurningar áður en þú bókar Laxasæðimeðferð með pólýnúkleótíðum (PN)?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
Phyto Corrective PDRN Serum frá SkinCeuticals er sérstaklega hugsað fyrir viðkvæma húð, húð sem er gjörn á að fá roða eða bólur, og rósroða húð. Serumið róar húðina samstundis, styður viðgerð og endurnýjun húðvarnarlagsins og veitir raka í allt að 48 klukkustundir.
