Erbium YAG Laser er ein öflugasta húðmeðferðin á markaðnum í dag sem miðar að því að vinna til baka öldrun húðar með náttúrulegum hætti og skilar meðferðin ótrúlegum árangri.
Andlit - Andlit & háls - bringa - Háls & Bringa - Húðslit
Erbrium YAG Laser er öflugasta meðferð Húðfegrunar ásamt Laserlyftingu sem miðar að því að vinna til baka öldrun húðar með náttúrulegum hætti. Það sem meðferðin hefur fram yfir Laserlyftingu er að hún vinnur einnig á ysta yfirborði húðar.
Með aldrinum hægir á framleiðslu kollagens og elastín sem eru uppbyggingarprótein húðar og í kjölfarið fer húðin hægt og rólega að slappast, missa lyftingu, fyllingu og hrukkur og fínar línur fara að myndast. Með Erbrium YAG Laser meðferðinni er lasergeislinn að örva framleiðslu þessara uppbyggingarpróteina djúpt í undirlagi húðar en á ysta yfirborði hennar er notuð svokölluð pixel tækni ER:YAG 2940 sem stuðlar að húðendurnýjun. Þessi byltingarkennda tækni skiptir lasergeislanum upp í marga minni geisla sem skella á húðina í punktaformi en það er svo heilbrigða húðin í kringum laserpunktana sem gerir það að verkum að húðin er fljótari að jafna sig eftir meðferðina en aðrar sambærilegar á markaðnum, auk þess að skila sér í hraðari kollagenmyndun.
Meðferðin hentar öllum aldurshópum og flestum húðgerðum (I-V).
Þar sem meðferðin er bæði að vinna á ysta- og undirlagi húðar skilar hún mjög góðum alhliða árangri og hentar vel þeim sem vilja endurnýja húðina og auka heilbrigði hennar. Með því að örva og viðhalda framleiðslu kollagens og elastín má bæði fyrirbyggja og vinna til baka slappa húð, hrukkur og fínar línur og er einnig sérlega áhrifarík meðferð fyrir þá sem vilja skarta fallegri húð án farða. Meðferðin hentar þeim sem eru með miklar ójöfnur á húð eins og litabreytingar eftir sól eða bólur, ör eftir bólur eða grófar svitaholur.
Árangur: Flestir sjá árangur á áferð húðar, húðtón og litabreytingum um leið og húðin hefur jafnað sig eftir meðferð. Myndun nýs kollagens heldur áfram í 4-6 mánuði eftir hverja meðferð og er húðin því að þéttast og styrkjast og hrukkur og fínar línur að dofna hægt og rólega í allt að hálft ár.
Fjöldi meðferða: Mælt er með að taka 2-4 skipti til þess að ná hámarksárangri en munur sést strax eftir stakt skipti. Framkvæma má meðferð með 4 vikna millibili og árangur af meðferðinni má merkja í u.þ.b. 3 ár, jafnvel lengur hjá þeim sem ástunda heilbrigðan lífstíl en mælt er með því að koma árlega í meðferðin til þess að viðhalda árangri.
Eftir meðferð: Roði og bólga myndast á húð eftir meðferð sem geta varað frá 2-3 dögum og upp í 14 daga (fer eftir styrkleika meðferðar og húðgerð). Í sumum tilfellum geta myndast sár og hrúður á húð. Mikilvægt er að leyfa hrúðri að gróa að fullu til að ná hámarksárangri meðferðar og er mikilvægt að gefa húðinni góðan raka með að bera græðandi rakakrem á húð a.m.k tvisvar á dag fyrstu vikuna eftir meðferð. Mikilvægt er að nota sterka sólarvörn (að lágmarki SPF 30) og forðast sól eins og hægt er í a.m.k. viku eftir meðferð sem og sleppa líkamsrækt og sundi í 1-7 daga eftir meðferð.
Við mælum með Phyto Corrective Gel eða Phyto Corrective Mask frá SkinCeuticals.
.png)
