Framkvæmd Laserlyftingar
Laserlyfting er framkvæmd með þeim hætti að lasergeislanum er beint niður í undirlag húðarinnar þar sem hann örvar framleiðslu kollagens og elastíns með náttúrulegum og sársaukalausum hætti án þess að skaða húð eða nærliggjandi vefi. Í kjölfarið þéttist húðin og styrkist og hrukkur og línur mildast. Árangur af laserlyftingu er sambærilegur við árangur af andlitslyftingu með skurðaðgerð en það sem laserlyfting hefur framyfir andlitslyftingu er að einstaklingur getur farið beint í vinnu eftir meðferð.
Dragðu úr ummerkjum öldrunar með náttúrulegum hætti
Með aldrinum hægir á kollagen- og elastínframleiðslu líkamans sem gerir það m.a. að verkum að húð fer hægt og rólega að slappast. Tilgangur Laserlyftingar er ekki að gjörbreyta útliti viðskiptavina heldur er hún ætluð til að vinna hægt og rólega til baka ummerki öldrunar með því að þétta og styrkja húð sem farin er að slappast og gefa húðinni þannig lyftingu og fyllingu sem tapast hefur með aldrinum. Hún mildar jafnframt hrukkur og fínar línur, sólarskemmdir og öldrunarbletti. Neðra andlit og háls eru þau svæði þar sem slappleiki húðar sést einna helst og er Laserlyfting ein allra besta meðferð Húðfegrunar til að skerpa kjálkalínuna á nýjan leik og þétta og styrkja húð á neðra andliti og hálsi. Meðferðina má einnig framkvæma í forvarnarskyni, þ.e. til að viðhalda unglegri, þéttri og stinnri húð.