Hrukkubaninn

Vinnur á djúpum og grunnum hrukkum með öflugri Radio Frequency tækni.

Enni - Kinnar - Munnsvæði

Kaupa meðferð

Bóka tíma núna

Við erum opin núna (9-17)

Kona í meðferð með fylliefni sem sléttir línur og hrukkur í kringum munn. Fáðu náttúrulegan árangur – bókaðu tíma hjá Húðfegrun, fremstu húðstofu Reykjavíkur með nýjustu tækni.

Hvað er Hrukkubaninn?

RF Plasma Hrukkubaninn er ný, byltingarkennd meðferð á Íslandi og er Húðfegrun eina stofan á landinu sem býður upp á þessa frábæru tækni. RF Plasma Hrukkubaninn hentar vel til að vinna á djúpum og grunnum hrukkum og slappri húð á afmörkuðum svæðum andlits, t.d. á milli augabrúna, á enni, á munnsvæði, í kinnum eða við eyru. Meðferðin hentar öllum húðgerðum og aldurshópum.

‍

Það sem gerir RF Hrukkubana að sérstakri húðmeðferð er hin tvíþætta tækni sem notuð er við framkvæmd meðferðarinnar. Microplasma neistar skadda ysta lag húðar (e. ablative effect), án þess þó að valda varanlegum skaða eða öramyndun, í þeim tilgangi að koma viðgerðarferli húðarinnar í gang og örva endurnýjun hennar. Á sama tíma og unnið er á ysta lagi húðar er radiofrequency tækni notuð til að beina hita beint niður í undirlag húðarinnar (e. thermal effect). Hitinn örvar frumur í bandvef húðarinnar sem framleiða kollagen og elastín. Með hjálp þessarar tvíþættu tækni verður áferð húðarinnar fallegri, auk þess sem hún þéttist og stinnist.

‍

Mildaðu hrukkur og línur

RF Plasma Hrukkubaninn er öflugasta meðferð Húðfegrunar til að vinna á hrukkum á afmörkuðum svæðum, enda er meðferðin bæði að vinna á ystu og dýpstu lögum húðarinnar. Microplasma neistar mýkja og slétta áferð og vinna á fínum línum á ysta lagi húðar á meðan hitinn sem radiofrequency bylgjurnar skapa örvar framleiðslu kollagens og elastíns í dýpri lögum húðarinnar og hjálpar til við að milda djúpar hrukkur og línur. Áhrif meðferðarinnar á ysta lag húðarinnar eru almennt fljót að koma fram og má byrja að merkja árangur fljótlega eftir að húð hefur jafnað sig. Áhrif á dýpri lög húðarinnar eru lengur að koma fram og því getur tekið allt að 3 mánuði að sjá heildarárangur meðferðar.

Hjúkrunarfræðingur framkvæmir kinnfyllingu með hýalúrónsýru-fylliefni sem brotnar niður á náttúrulegan hátt í líkamanum. Skjólstæðingur liggur afslappaður með hlutlausan svip á meðan meðferðin fer fram, og í bakgrunni má sjá hluta af háþróaðri lækninga- og lasertækni Hudfegrun.

Móttaka Húðfegrunar í Reykjavík með nútímalegu og notalegu umhverfi fyrir gelísprautun og fylliefnameðferðir

Þéttu slappa húð á afmörkuðum svæðum

Með aldrinum hægir á kollagen- og elastínframleiðslu líkamans sem gerir það m.a. að verkum að húð fer hægt og rólega að slappast. RF Plasma Hrukkubani hentar vel til að þétta slappa húð á afmörkuðum svæðum þar sem meðferðin sendir radiofrequency bylgjur, sem örva framleiðslu kollagens og elastíns, niður í undirlag húðar. Í nokkra mánuði eftir hverja meðferð má smám saman merkja hvernig húð þéttist, stinnist og styrkist.

Fyrirbyggðu öldrun húðar

Skjólstæðingur skoðar árangur fylliefnameðferðar í spegli eftir framkvæmd meðferðar, á meðan hjúkrunarfræðingur veitir faglega ráðgjöf um staðsetningu og magn fylliefnis. Náttúrulegur árangur og jafnvægi í andliti í hreinum og faglegum aðstæðum Hudfegrun.

Notalegt biðsvæði á húðklíník Húðfegrunar fyrir gelísprautun og aðrar húðmeðferðir

Fyrirbyggðu öldrun húðar

Með því að örva framleiðslu kollagens og elastíns á afmörkuðum svæðum þar sem húð er þunn og viðkvæm eða þar sem hrukkur hafa tilhneigingu til að myndast, líkt og á augnsvæði og munnsvæði, er hægt að sporna gegn og hægja á öldrun húðarinnar og áhrifum hennar á útlit okkar. RF Plasma Hrukkubaninn er tilvalin meðferð til að viðhalda heilbrigðri húð á viðkvæmum svæðum þar sem meðferðin mýkir og sléttir ysta lag húðar á sama tíma og hún þéttir og stinnir undirlög húðarinnar.

Almennar upplýsingar

Fjöldi meðferða: Mælt er með að teknar séu 1-4 meðferðir til að ná sem bestum árangri. Áætla má að framkvæma þurfi meðferð í 1-2 skipti ef húð er að byrja að slappast eða ef um er að ræða fínar línur. Áætla má að framkvæma þurfi meðferð í 3-4 skipti ef húðin er orðin slöpp og hrukkur djúpar.

Það tekur u.þ.b. 1-3 mánuði að sjá endanlegan árangur af hverri meðferð. Framkvæma má meðferð með 6-8 vikna millibili, eftir því hversu djúpt er unnið niður í undirlag húðarinnar.

Fyrir meðferð: Til að draga úr sársauka á meðan á meðferð stendur er mælt með að bera deyfikrem á meðferðarsvæði um klukkustund fyrir meðferð.

Eftir meðferð: Eftir að meðferð er framkvæmd myndast roði og bólga sem geta varað frá nokkrum klukkustundum og upp í 2-3 daga. Einnig geta dökkir blettir og hrúður sést á húð í 5-10 daga eftir meðferð. Til að forðast öramyndun er mikilvægt að láta hrúður alveg vera þangað til það dettur sjálfkrafa af. Varast skal að bleyta meðferðarsvæðið í 2 daga eftir meðferð og einnig skal gæta fyllsta hreinlætis svo ekki sé hætta á sýkingu.

Nauðsynlegt er að bera græðandi krem á svæðið tvisvar á dag í a.m.k. viku eftir meðferð.

Forðast skal sól eins og hægt er í a.m.k. viku eftir meðferð og nota sterka sólarvörn. Einnig skal sleppa líkamsrækt samdægurs og sundi í a.m.k. viku.