Í fyrsta skrefi meðferðarinnar eru dauðar húðfrumur fjarlægðar af yfirborði húðar, svitaholur opnaðar og óhreinindi í þeim brotin niður með notkun AHA sýra og mildri slípun.

Í öðru skrefi meðferðarinnar eru notuð sog og BHA sýra til þess að djúphreinsa húðina og losa þannig um og fjarlægja óhreinindi.

Í þriðja og síðasta skrefi meðferðarinnar er andoxandi og kollagen ríku serumi þrýst niður í húðina til þess að vernda hana sem og gefa henni aukinn raka og teygjanleika.

Tilgangur meðferðarinnar

Með DermaClear - Lúxus Húðslípun er verið að veita húðinni allt í senn slípun, hreinsun, raka og næringu. Hún flýtir fyrir endurnýjunarferli húðarinnar, jafnar húðlit hennar, örvar nýmyndun kollagens og blóðflæði til húðar sem svo skilar sér í mýkri og sléttari húð ásamt grynnri hrukkum og fínum línum.

Meðferðin hentar öllum aldurshópum og húðgerðum þar sem hægt er að aðlaga hana að mismunandi húðgerðum og vandamálum. Hún er mild og hefur bólgueyðandi og róandi áhrif á húðina.

Gefðu þurri og líflausri húð raka og næringu

Meðferðin eykur rakastig húðar og myndar filmu yfir henni sem kemur í veg fyrir rakatap. Raki og ýmis næringarefni fríska upp á þurra, þreytta og líflausa húð sem skilar sér í heilbrigðu yfirbragði og fallegum ljóma. Bólgu og róandi áhrif meðferðarinnar draga úr kláða og ertingu sem getur oft fylgir þurri húð.

Stök meðferð getur dugað til að fríska upp á þurra og líflausa húð en til að viðhalda árangrinum er gott að koma í meðferð á 1-2 mánaða fresti.

Hreinsaðu húðina og komdu jafnvægi á hana

Mild slípun, öflugt sog og ávaxtasýrur vinna saman að því að fjarlægja dauðar húðfrumur og óhreinindi af yfirborði húðar. Meðferðin hefur sótthreinsandi, bólgueyðandi og róandi áhrif á húðina sem hentar einstaklega vel fyrir bóluhúð. Hún kemur einnig jafnvægi á sýrustig og olíuframleiðslu sem sem getur dregið úr líkum á bólumyndun.

Gott er að taka að lágmarki 4-6 meðferðir með 2-4 vikna millibili til að vinna á óhreinni húð og bóluvandamálum. Mælt er með að ráðfæra sig við meðferðaraðila áður en meðferð er bókuð sértu á bólulyfjum.

Jafnaðu áferð og húðtón

Derma Clear - Lúxus Húðslípun mildar litabreytingar í húð, t.d. sólarskemmdir og öldrunarbletti, og gerir húðina bjartari. Hún jafnar einnig áferð húðarinnar, mýkir hana, sléttir og þéttir, auk þess að draga úr sýnileika grófra svitahola.

Gott er að taka að lágmarki 4-6 meðferðir með 2-4 vikna millibili til að jafna áferð og húðtón.

Dragðu úr og spornaðu gegn öldrun húðar

Meðferðin er sérlega góð til þess að viðhalda heilbrigði húðar og sporna gegn öldrun hennar. Meðferðin örvar nýmyndun húðfrumna og framleiðslu kollagens og elastíns, sem gerir það að verkum að húðin heldur betur þéttleika, teygjanleika og mildar hrukkur og fínar línur.

Mælt er með að koma í meðferðina á 1-2 mánaða fresti til þess að viðhalda heilbrigðri húð og sporna gegn öldrun

Almennar upplýsingar til að hafa í huga fyrir og eftir DermaClear - Lúxus Húðslípun

Fjöldi meðferða: Til að fríska upp á þreytta og líflausa húð næst góður árangur eftir stakt skipti og sést árangur strax að meðferð lokinni. Til að vinna á óhreinindum eða öðrum húðvandamálum er hins vegar mælt með að teknar séu að lágmarki 4-6 meðferðir með 2-4 vikna millibili til að ná sem bestum árangri. Ef húð er án sérstakra vandamála og ætlunin einungis að viðhalda árangri og halda húðinni ferskri, hreinni og vel nærðri er gott að endurtaka meðferðina á 1-2 mánaða fresti.

Fyrir meðferð: Mælt er með að raka skegg fyrir meðferð.

Eftir meðferð: Í flestum tilfellum er einungis um að ræða hita og roða í húð samdægurs. Sé húð mjög viðkvæm geta myndast grunnir marpunktar þar sem húðin er þynnst, en þeir hverfa smám saman á nokkrum dögum. Meðferðin veldur ekki ertingu eða öðrum aukaverkunum.

Mælt er með því að bera gott rakakrem á meðferðarsvæðið tvisvar á dag í a.m.k. viku. Húðin er viðkvæmari fyrir sól fyrst eftir meðferð og því er mælt með að nota sterka sólarvörn og forðast sól eins og hægt er fyrstu vikuna eftir meðferð. Gott er að sleppa líkamsrækt og sundi í sólarhring eftir meðferð.

DermaClear - Lúxus Húðslípun hentar vel samhliða öðrum húðmeðferðum

DermaClear - Lúxus Húðslípun hentar vel samhliða mörgum húðmeðferðum. Húðmeðferðir skila almennt betri árangri þegar rakastig húðar er gott og er Lúxus Húðslípun því gjarnan notuð til að undirbúa húð fyrir lasermeðferðir og auka áhrif þeirra. Hægt er að leita ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best.

Dæmi um meðferðir sem henta alltaf vel samhliða meðferðinni eru t.d. Laserlyfting, Gelísprautun, Húðslípun og Rósroðameðferð.