Dermapen (e. microneedling) meðferð er byltingarkennd húðmeðferð sem eingöngu er hægt að framkvæma á stofu. Dermapen meðferðin sem Húðfegrun býður upp á er sú öflugasta sem býðst á Íslandi. Um er að ræða nýjustu tækni á sviði húðmeðferða án skurðaðgerða.

Örvar kollagenframleiðslu

Dermapen er meðferð sem vinnur á undirlagi húðarinnar og örvar þar framleiðslu kollagens og elastínþráða. Strax að meðferð lokinni hefst kollagenuppbygging húðarinnar og er einstaklingurinn að sjá meiri árangur með hverjum degi frá meðferð. Meðferðin þéttir og styrkir húðina og gefur henni fallegan blæ, auk þess að grynnka hrukkur og fínar línur.

Meðferðin er framkvæmd með þeim hætti að serum sem inniheldur náttúrulegar fjölsykrur er borið á húðina. Í kjölfarið er farið yfir ysta lag hennar með nálum dermapen pennans sem ýtir efninu niður í undirlag húðarinnar. Breytilegum styrkleika er beitt eftir því hversu djúpt er verið að vinna á undirlagi húðarinnar.

Vinnur burt ör eftir bólur

Þegar unnið er á örum í húð er farið með nálarnar djúpt niður í undirlag húðarinnar til að brjóta niður ónýtu húðina þar sem örið er staðsett og byggja upp nýja, heilbrigða húð. Ef tilgangurinn er einungis að þétta og styrkja húðina og örva kollagenframleiðslu hennar er hægt að beita minni styrkleika.

Fjöldi meðferða: Mælt er með að teknar séu 4-6 meðferðir til að ná sem bestum árangri. Framkvæma má meðferð með 2-6 vikna millibili, eftir því hversu djúpt niður í undirlag húðarinnar er unnið með nálunum.
Meðferðin hentar öllum húðgerðum og aldurshópum.

Fyrir meðferð: Til að draga úr óþægindum á meðan á meðferð stendur er mælt með því að bera deyfikrem á meðferðarsvæðið um klukkustund fyrir meðferð.

Eftir að meðferð er framkvæmd myndast roði og bólga sem geta varað frá 2-3 dögum og upp í viku, fer eftir styrkleika meðferðar og húðgerð. Í sumum tilfellum getur myndast mar eftir meðferð. Fyrstu 3 daga eftir meðferð er nauðsynlegt að gefa húðinni góðan raka.

Lúxusdermapen með kælimaska

Um er að ræða einstaklega kælandi og næringarríkan kælimaska sem dregur úr roða og óþægindum eftir meðferð. Sé maskinn notaður strax að meðferð lokinni eru einstaklingar því fljótari að jafna sig, auk þess sem maskinn dregur úr öldrun húðarinnar.

Eftir meðferð þarf að:

  • Bera græðandi krem á svæðið tvisvar á dag í eina viku.
  • Forðast sól og ljósabekki í a.m.k. viku.
  • Sleppa sundi í 1-2 daga.
  • Sleppa líkamsrækt samdægurs.
  • Nota a.m.k. SPF 30 sólarvörn í allavega eina viku.
Einnig er hægt að bóka tíma í síma
533-1320