Hyaluronic Booster meðferð stuðlar að heilbrigðari, þéttari og stinnari húð, auk þess sem hún grynnkar hrukkur og fínar línur. Meðferðin er mesotheraphy meðferð en slíkar meðferðir njóta mikilla vinsælda á meginlandi Evrópu.

Örvar kollagenframleiðslu og gefur húðinni góðan raka

Eftir því sem við eldumst hægir smám saman á framleiðslu náttúrulegra fjölsykra, sem gefa húðinni raka og fyllingu; kollagens, sem gefur húðinni aukinn þéttleika; og elastíns, sem gefur húðinni teygjanleika. Húðin fer því að slappast og fínar línur og hrukkur byrja að myndast.

Auk náttúrulegra fjölsykra inniheldur Hyaluronic Booster ákveðna samsetningu amínósýra, sem eru aðal innihaldsefni kollagens. Það sem gerir Hyaluronic Booster að svo sérstakri meðferð er þó fyrst og fremst náttúrulega steinefnið calcium hydroxiapatite (CaHA) sem örvar framleiðslu kollagens, elastíns og náttúrulegra fjölsykra í líkamanum. Þessi einstaka efnasamsetning viðheldur og stuðlar að heilbrigðari, þéttari og stinnari húð og grynnkar hrukkur og fínar línur.

Fjöldi meðferða: Góður árangur næst eftir staka meðferð. Til að ná hámarksárangri er mælt með 2 meðferðum með 3-4 vikna millibili. Til að viðhalda árangrinum er mælt með Hyaluronic Booster meðferð á 6-12 mánaða fresti.

Fyrir meðferð: Til að draga úr sársauka á meðan á meðferð stendur er mælt með að bera deyfikrem á meðferðarsvæði um klukkustund fyrir meðferð.

Eftir að meðferð er framkvæmd geta myndast roði og bólga sem geta varað í 2-7 daga. Í sumum tilvikum getur myndast mar eftir meðferð, en það eru eðlileg viðbrögð húðarinnar við meðferðinni. Mælt er með því að hafa góða kælingu á meðferðarsvæði fyrst eftir meðferð, en það dregur verulega úr bólgumyndun.

Ekki má koma við meðferðarsvæðið í 4 klst eftir meðferð. Eftir þann tíma má strjúka svæðið með mildum andlitshreinsi og vatni. Einnig má þá bera rakagefandi krem á svæðið og nota farða. Mælt er með að forðast sund, óhreint umhverfi og ryk sama dag og meðferð er framkvæmd.

Eftir meðferð þarf að:

  • Kæla meðferðarsvæðið í 15-20 mín í senn, endurtaka nokkrum sinnum.
  • Bera græðandi krem á svæðið 4 klst eftir meðferð.
  • Forðast sól og ljósabekki í a.m.k. 2-3 daga.
  • Sleppa sundi samdægurs.
  • Nota a.m.k. SPF 30 sólarvörn í allavega eina viku.
Einnig er hægt að bóka tíma í síma
533-1320