Lasermeðferð er byltingarkennd meðferð til að vinna í burt tattoo og litabreytingar í húð eftir tattoo. Meðferðin er framkvæmd með þeim hætti að lasergeislinn nemur litinn í tattooinu og eykur hita í litabreytingu húðar nógu mikið til að brjóta litinn niður án þess að skaða húð eða nærliggjandi vefi. Í kjölfarið dofnar tattooið og/eða litabreyting húðar smám saman.


Áætla má að framkvæma þurfi meðferð í 6-10 skipti til að ná góðum árangri. Það er þó breytilegt eftir stærð tattoos, staðsetningu þess, lit sem notaður var í tattoo, og dýpt á lit niður í undirlag húðar. Mánuður þarf að líða á milli meðferða.

Gæta þarf fyllsta hreinlætis svo ekki sé hætta á sýkingu

Eftir að meðferð er framkvæmd geta myndast roði og bólga sem geta varað frá 1-2 dögum og allt upp í viku. Einnig geta í sumum tilvikum myndast blöðrur, sár og hrúður á húð, sem eru eðlileg viðbrögð húðarinnar við meðferðinni, en mikilvægt er að láta hrúður gróa að fullu til að ná hámarksárangri meðferðar. Bera þarf græðandi krem á svæðið fyrstu dagana eftir meðferð og gæta fyllsta hreinlætis svo ekki sé hætta á sýkingu.

Eftir meðferð þarf að

  • Bera græðandi krem á svæðið tvisvar á dag í eina viku.
  • Forðast sól og ljósabekki í a.m.k. viku.
  • Sleppa sundi í 1-7 daga, breytilegt eftir meðferðarformi.
  • Nota a.m.k. SPF 30 sólarvörn í allavega eina viku.
Bókaðu tímaVerðskrá
Einnig er hægt að bóka tíma í síma
533-1320