Augnlyfting er ný, byltingarkennd meðferð á Íslandi og er Húðfegrun fyrsta og eina stofan á landinu sem býður upp á þessa frábæru tækni. Augnlyfting er húðmeðferð sniðin til að lyfta augnlokum sem farin eru að síga. Meðferðina má einnig framkvæma til að þétta slappa húð undir augum og grynnka hrukkur og fínar línur á augnsvæði.

Tvíþætt tækni sem skilar betri árangri

Það sem gerir Augnlyftingu sérstaka er hin tvíþætta tækni sem notuð er við framkvæmd meðferðarinnar. Húðin á meðferðarsvæðinu er sködduð og brotin niður (e. ablative effect), án þess þó að valda varanlegum skaða eða öramyndun, sem gerir líkamanum kleift að byggja upp nýja, heilbrigða húð. Á sama tíma er hita beint niður í undirlag húðarinnar (e. thermal effect) sem gerir það að verkum að framleiðsla kollagens og elastíns eykst. Með hjálp þessarar tvíþættu tækni verður áferð húðarinnar fallegri, auk þess sem hún þéttist og stinnist.

Dregur úr hrukkum og línum

Fjöldi meðferða: Mælt er með að teknar séu 1-4 meðferðir til að ná sem bestum árangri. Áætla má að framkvæma þurfi meðferð í 1-2 skipti ef húð er að byrja að slappast eða ef um er að ræða fínar línur. Áætla má að framkvæma þurfi meðferð í 2-4 skipti ef húðin er orðin verulega slöpp og hrukkur djúpar. Það tekur u.þ.b. mánuð að sjá endanlegan árangur af hverri meðferð. Framkvæma má meðferð með 6-8 vikna millibili, eftir því hversu djúpt er unnið niður í undirlag húðarinnar. Meðferðin hentar öllum húðgerðum og einstaklingum á öllum aldri.

Fyrir meðferð: Til að draga úr sársauka á meðan á meðferð stendur er mælt með að bera deyfikrem á meðferðarsvæði um klukkustund fyrir meðferð.

Mikilvægt er að láta hrúður gróa að fullu

Eftir að meðferð er framkvæmd myndast roði og bólga sem geta varað frá nokkrum klukkustundum og upp í 4-5 daga. Einnig geta dökkir blettir og hrúður sést á húð í 5-10 daga eftir meðferð. Mikilvægt er að láta hrúður gróa að fullu til að ná hámarksárangri meðferðar. Varast skal að bleyta meðferðarsvæðið í 2 daga eftir meðferð og einnig skal gæta fyllsta hreinlætis svo ekki sé hætta á sýkingu. Nauðsynlegt er að bera græðandi krem á svæðið tvisvar á dag í a.m.k. viku eftir meðferð.

Eftir meðferð þarf að:

  • Bera græðandi krem á svæðið tvisvar á dag í a.m.k. viku.
  • Sleppa sundi í eina viku.
  • Sleppa líkamsrækt samdægurs.
  • Forðast sól og ljósabekki í a.m.k. viku.
  • Nota a.m.k. SPF 30 sólarvörn í allavega eina viku.
Einnig er hægt að bóka tíma í síma
533-1320