Húðþétting

Hvað er Húðþétting?

Húðþétting er öflugasta og áhrifaríkasta meðferðin sem býðst á markaðnum til að byggja upp og þétta slappa húð og vinna burt appelsínuhúð. Meðferðin er framkvæmd með Accent Prime tæki frá Alma Lasers sem byggir á markvissri og öflugri radiofrequency tækni og hefur það framyfir önnur tæki á markaðnum að skila hraðari, dýpri og samfelldari hitun án nokkurs sársauka.

Radiofrequency bylgjurnar frá tækinu koma vatnssameindum í húðinni á hreyfingu og skapa núning þeirra á milli. Núningurinn skapar hita í vefjum líkamans og í ljósi þess hve stór hluti húðarinnar samanstendur af vatni ná vefir að draga sig verulega saman og örva framleiðslu kollagens sem skilar sér í þéttari og stinnari húð. Til að ná sem bestum árangri þarf rakabúskapur líkamans að vera góður og því mikilvægt að huga vel að vatnsdrykkju fyrir og eftir hverja meðferð.

Meðferðin er örugg og sársaukalaus og hentar öllum húðgerðum og aldurshópum.

Þéttu og styrktu slappa húð

Húðþétting er þróuð sérstaklega til að styrkja og þétta slappa húð, hvort sem er vegna aldurs, þyngdartaps eða meðgöngu. Meðferðin vinnur djúpt niður í undirlag húðar þar sem hún hjálpar vefjum að draga sig saman og örvar kollagenframleiðslu, en þessir þættir skila sér í þéttari, stinnari og sterkari húð.

Losnaðu við appelsínuhúð

Þeir eiginleikar Húðþéttingar að örva sogæðakerfið, hraða efnaskiptum, hjálpa vefjum húðarinnar að draga sig saman og örva kollagenframleiðslu, vinna saman að því að draga úr ásýnd appelsínuhúðar og gefa húðinni sléttara og mýkri áferð.

Fyrirbyggðu og dragðu úr ummerkjum öldrunar

Húðþétting örvar kollagenframleiðslu húðarinnar en kollagen er eitt mikilvægasta uppbyggingarprótein líkamans og húðinni sérlega mikilvægt. Með aldrinum hægir á kollagenframleiðslu húðarinnar og í kjölfarið fer hún að slappast og hrukkur og fínar línur að

myndast. Húðþétting fyrirbyggir og vinnur til baka öldrun húðarinnar með því að hjálpa henni að viðhalda kollagenframleiðslu sinni. Sé meðferðinni beitt á andlit getur hún skerpt andlitsdrætti líkt og kjálkalínu og kinnbein og gefið andlitinu fyllingu og mótun sem tapast með aldrinum.

Jafnaðu áferð og húðtón

Þó að tilgangur Húðþéttingar sé fyrst og fremst að þétta slappa húð er hún einnig að hjálpa húðinni að endurnýja sig, tryggja uppbyggingu djúpt í undirlagi hennar og þannig að gefa henni fallegri áferð og húðtón. Húðþétting mildar ásýnd húðslita og öra samhliða þéttingu og hentar því t.d. vel á magasvæði í kjölfar meðgöngu.

Almennar upplýsingar til að hafa í huga fyrir og eftir Húðþéttingu

Fjöldi meðferða: Áætla má að framkvæma þurfi meðferð í a.m.k. 4-6 skipti til að ná sem bestum árangri. Að lágmarki tvær vikur þurfa að líða á milli meðferða.

Árangur er að koma fram hægt og rólega í allt að 3 mánuði eftir hverja meðferð. Mikilvægt er að heilbrigðum lífstíl sé viðhaldið samhliða meðferðum til að ná sem bestum árangri.

Fyrir meðferð: Til að auka árangur meðferðar er mikilvægt er að drekka vel af vatni, a.m.k. 2 lítra á dag, í allavega 3 daga fyrir meðferð.

Eftir meðferð: Smá roði og bólga geta myndast og varað í 1-2 daga, fer eftir meðferðarsvæði. Mikilvægt er að drekka vel af vatni, a.m.k. 2 lítra á dag, í a.m.k. 3 daga eftir meðferð.

Gott er að bera rakagefandi krem á svæðið tvisvar á dag í viku eftir meðferð. Mælt er með að forðast sund og líkamsrækt samdægurs. Mikilvægt er að nota sterka sólarvörn á í a.m.k. viku eftir meðferð og forðast sól eins og hægt er.

Húðþétting er oft notuð samhliða öðrum meðferðum

Til að ná fram sem mestri virkni er oft gott að blanda saman ólíkum meðferðum með mismunandi áherslur. Hægt er að leita ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best. Dæmi um meðferðir sem henta alltaf vel samhliða Húðþéttingu eru t.d. Ultrasound Fitueyðing þegar um er að ræða líkama eða háls og Hyaluronic Booster þegar um er að ræða andlit.

Húðþétting og Hyaluronic Booster

Samsetning þessara meðferða hentar sérlega vel þeim sem vilja gefa þreytulegri húð sem byrjuð er að slappast þéttingu, raka og ljóma. Meðferðirnar eru báðar að örva kollagenmyndun í mismunandi lögum húðarinnar, Húðþétting dýpra niður í undirlagi húðar og Hyaluronic Booster í efri lögum hennar. Alhliða þétting næst því til lengri og skemmri tíma. Samhliða aukinni þéttingu gefur Hyaluronic Booster, sem er mesotherapy meðferð, húðinni raka og ljóma og nærir hana með ýmsum steinefnum og amínósýrum.